• २०७६ भदौ ३० गते, सोमबार

डेंगुबाट बच्न धनुषामा स्वास्थ्य शिविरसँगै चेतनामूलक कार्यक्रम

जनताको स्वास्थ्यको महत्वलाई आत्मसात गर्दै शिविर चलाइएको उमाप्रेमपुर प्रहरी चौकीका इन्चार्ज गोपाल श्रेष्ठले जनाए ।

न्यूज ब्यूरो, धुनषा । बढ्दो डेंगु प्रकोपलाई मध्यनजर गरी धनुषामा स्वास्थ्य शिविर तथा जनचेतनामूलक कार्यक्रम गरिएको छ । 

 

धनुषाको धनुषाधाम नगरपालिका–५ स्थित नौसय बिघामा लागेको दाहा मेलाको अवसर पारेर प्रहरी चौकी उमाप्रेमपुरले एकदिने स्वास्थ्य शिविर गरेको हो । शिविरमा स्वास्थ्योपचारसँगै डेंगु रोगबाट बच्नबारे चेतनामूलक कार्यक्रमसमेत गरिएको छ ।

 

मंगलबार गरिएको शिविरमा सयौं जना लाभान्वित भएका छन् । जनताको स्वास्थ्यको महत्वलाई आत्मसात गर्दै शिविर चलाइएको उमाप्रेमपुर प्रहरी चौकीका इन्चार्ज गोपाल श्रेष्ठले जनाए ।

 

शिविरमा उमाप्रेमपुर स्वास्थ्य चौकीका इन्चार्ज रोशन कुमार साहले सेवा दिएका थिए । शिविरमा धनुषाधाम नगरपालिका ५ का वडाध्यक्ष इन्द्रकुमार महतो, उमाप्रेमपुर प्रहरी चौकी इन्चार्ज गोपाल श्रेष्ठ, दाहा मेला समितिका अध्यक्ष सुशील यादव लगायत स्थानीय नागरिकसमाज, बुद्धिजिवी लगायतको उल्लेख्य उपस्थिति थियो ।
 

Loading...
श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका | समाचारको लागि : +977-9854028045 मा फोन गर्नुहोस् ।
यो समाचारमा तपाईको विचार COMMENT गर्नुहोस्
Loading...