• २०७६ भदौ ३० गते, सोमबार

एसिड पीडितसँग मुख्यमन्त्रीको वाचा : मुस्कानको 'मुस्कान 'हामी फर्काउँछौ

बढी लागेपनि व्यहोर्ने भन्दै उपचारका लागि कुनै चिन्ता नलिन पीडित परिवारलाई आग्रह गरे ।

न्यूज ब्यूरो, काठमाडौं । एसिड आक्रमणमा परेकी उपचाररत मुस्कान खातुनलाई प्रदेश २ का मुख्यमन्त्री लालबाबु राउत, संघीय सांसद प्रदीप यादव र प्रदेश २ का मुख्यन्यायधिवक्ता दिपेन्द्र झाले भेटेका छन् । 

 

तीनैजनाले एसिड प्रहारबाट गम्भीर घाईते वीरगञ्जकी १५ वर्षीया मुस्कानको स्वास्थ्य अवस्था आईतबार भेटेरै बुझेका हुन् । टोलीले मुस्कानको स्वास्थ्य अवस्थाबारे जानकारी लिँदै उनको उपचारमा कुनै कसर बाँकी नराख्ने बाचासमेत गरेका छन् । 

 

मुख्यमन्त्री राउतले मुस्कानको उपचारमा कुनै कमी हुन नदिन अस्पताललाई निर्देशन दिए । प्रदेश सरकारले उपचारको लागि अहिले पाँच लाख दिएको र बढी लागेपनि व्यहोर्ने उनले प्रतिवद्धता गरे । उपचारका लागि कुनै चिन्ता नलिन पीडित परिवारलाई आग्रह गरे । भेटघाट पश्चात् संघीय सांसद तथा समाजवादी पार्टीका नेता प्रदीप यादवको अफिसियल फेसबूक पेजमा गरिएको पोष्टमा ‘हामीले मुस्कानको मुस्कान फर्काउन सबै प्रयास गर्नेछौं’ भनेर उल्लेख गरिएको छ ।

 

मुस्कानको कीर्तिपुरस्थित नेपाल क्लेफ्ट एन्ड बर्न सेन्टरको आइसियूमा उपचार भइरहेको छ ।
 

Loading...
श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका | समाचारको लागि : +977-9854028045 मा फोन गर्नुहोस् ।
यो समाचारमा तपाईको विचार COMMENT गर्नुहोस्
Loading...