• २०७६ भदौ ३० गते, सोमबार

सिरहामा डेंगु प्रकोप : मेयर परिवार बिरामी परेपछि नियन्त्रणमा सक्रियता

मुलुकभर नै डेंगुको आतंक फैलेपनि सम्बन्धित पक्ष गम्भीर देखिएको छैन ।

न्यूज ब्यूरो, सिरहा । पछिल्लो समय देश नै डेंगुबाट आतंकित बनिरहँदा सिरहामा पनि डेंगु संक्रमित भेटिएका छन् । 

 

सिरहाको गोलबजार नगरपालिकामा ९ जना डेंगुका बिरामी फेला परेका हुन् । जसमध्ये गालेबजारका मेयर देवनाथ साहकै घरका चारजना डेंगुका कारण बिरामी परेका छन् ।

 

बिरामीहरुको काठमाडौं, धरान र विराटनगरमा उपचार भइरहेको छ । डेंगुको प्रकोप देखिएपछि नगरपालिकाले लामखुट्टे नियन्त्रणका लागि औषधि छर्किन थालेको छ । डेंगु संक्रमण फैलिन नदिन औषधि छर्ने र कसरी बच्नेबारे प्रचार प्रसार थालिसकेको नगरपालिकाका स्वास्थ्य शाखा संयोजक पवन पंजियारले जानकरी दिए ।

 

डेँगु रोगका लामखुट्टे सफा र स्थिर पानीमा बस्ने भएकोले त्यस्ता ठाउँहरूलाई पहिचान गरी नष्ट गर्नुपर्ने स्वास्थ्य संयोजक पंजियारले बताए । घर वरपर फालिएको खाली बोतल, गाडी तथा मोटरसाइकलका टायर, कुलर, गमलाजस्ता ठाउँहरूमा पानी जम्न नदिने उनले स्थानीयहरूसँग आग्रह गरे ।

 

मुलुकभर नै डेंगुको आतंक फैलेपनि सम्बन्धित पक्ष गम्भीर देखिएको छैन ।
 

Loading...
श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका | समाचारको लागि : +977-9854028045 मा फोन गर्नुहोस् ।
यो समाचारमा तपाईको विचार COMMENT गर्नुहोस्
Loading...