• २०७६ भदौ ३० गते, सोमबार

भारतीय चन्द्रयान–२ मिसन भएन सफल, निराश नहुन मोदीले दिए हौसला

चन्द्रयान–२ मार्फत् चन्द्रमा सतहमा उतार्न लागिएको यन्त्र विक्रम ल्याण्डरसँग अन्तिम चरणमा आएर इसरोका वैज्ञानिकहरुको सम्पर्क टुटेको छ ।

न्यूज ब्यूरो, भारत । भारतको चन्द्रयान–२ अभियान अन्तिम चरणमा आएर असफल भएको छ । 

 

चन्द्रयान–२ मार्फत् चन्द्रमा सतहमा उतार्न लागिएको यन्त्र विक्रम ल्याण्डरसँग इसरोका वैज्ञानिकहरुको सम्पर्क टुटेको छ ।

 

चन्द्रयान–२ को विक्रम ल्याण्डरको सम्पर्क बैंग्लोरमा रहेको भारतीय अन्तरिक्ष अनुसन्धान संगठन (इसरो) को नियन्त्रण कक्षसँग अवतरणको केही समयपूर्व टुटेको हो । सो यान चन्द्रमा दक्षिणी ध्रुव नजिकै भागमा अवतरण गर्ने योजना थियो । 

 

यस्तो गर्न सकेको भए भारत चन्द्रमाको सहतमा सफलतापूर्वक अवतरण गराउने चौथो देश हुने थियो । यति मात्र होइन चन्द्रमाको दक्षिणी ध्रुवमा यान उतार्ने भारत विश्वकै पहिलो देश बन्ने धूनमा थियो । त्यसैले पनि उसका लागि यो मिसन निकै महत्वाकांक्षी हो ।

 

महत्वाकांक्षी रुपमा हेरिएको यो यान अगष्ट २० तारिखमा चन्द्रमाको कक्षमा प्रवेश गरेको थियो । गएको शनिबार चन्द्रमाको सतह नजिकै पुगेको बताइएको थियो । पूर्व योजनाअनुरुप विक्रम ल्याण्डर शनिबार बिहान साढे १ बजेदेखि साढे २ बजेको बीचमा चन्द्रमाको सतहमा उत्रनु पर्दथ्यो । तर, सो बेलादेखि नै विक्रम ल्याण्डरसँग सम्पर्क टुटेको छ ।

 

इसरोका अध्यक्ष के सिवनले विक्रम ल्याण्डर चन्द्रको सतहबाट २ दशमलव १ किलोमिटरको दूरीसम्म सबै सामान्य रहेको बताएका छन् । त्यसपछि मात्र सम्पर्क टुटेको हो । हाल विक्रम ल्यान्डरबाट प्राप्त डेटाको समीक्षा भइरहेको उनले बताएका छन् ।

 

यता, मिसन असफल भएपछि भारतीय प्रधानमन्त्री नगरेन्द्र मोदीले भारतीय अन्तरिक्ष वैज्ञानिकहरुलाई होसला दिएका छन् । वैज्ञानिकहरुको उपलब्धी प्रत्यक्ष अवलोकन गर्न र हौसला बढाउनका लागि प्रधानमन्त्री नरेन्द्र मोदी बैंग्लोरमा रहेको इसरोको मुख्यालयमा गएका थिए । 

 

प्रम मोदीले वैज्ञानिकहरुलाई भेटेर हताश र निराश नहुन आग्रह गर्दै शान्त्वना मिश्रित हौसला दिएका छन् । उनले भने, ‘जीवनमा कहिलेकाहीँ उतारचढाव आउँछन्, सम्पर्क टुट्ने बेलासम्म मैले देखिरहेको थिएँ, प्राप्त उपलब्धी पनि ठूलो हो, देशले तपाईँहरुसँग गर्व गरेको छ ।’

 

भारतको यो दोस्रो चन्द्रयान हो । यसअघि पहिलोपटक उसले सन् २००८ मा पठाएको चन्द्रयान–१ ले चन्द्रमाको बाहिरी सतहमा पानी भएनभएको बारे सूचना पृथ्वीमा पठाएको थियो ।
 

Loading...
श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका | समाचारको लागि : +977-9854028045 मा फोन गर्नुहोस् ।
यो समाचारमा तपाईको विचार COMMENT गर्नुहोस्
Loading...