सर्लाहीको हरिपुर्वा विद्यालयमा मुक्कामुक्की

न्यूज ब्यूरो, सर्लाही । प्रदेश नं. २ को सर्लाही जिल्लाको एक विद्यालयमा दुई पक्षबीच मुक्कामुक्की भएको छ ।

सर्लाही जिल्लाको हरिपुरवा नगरपालिकाको वडा नं. ९ स्थित रहेको रामजानकी विद्यालयमा दुई पक्षबीच झडप भएको जिल्ला प्रहरी कार्यालय सर्लाहीले जनाएको छ । विद्यालयका प्रधानाध्यापक ले बोलाएको अभिभावक भेलाको क्रममा दुई पक्षबीच झगडा हुँदा दुई जना समान्य घाईते समेत भएको जनाइएको छ ।

घाईते हुनेहरुमा हरिपुर्वाका स्थानीय एचवाईसीसीका अध्यक्ष खगेन्द्र यादव तथा त्यही क्लबका सदस्य मनोज यादव रहेका छन् । उनीहरुको उपचार भने जनकपुर अञ्चल अस्पतालमा भईरहेको बताइएको छ ।

"सर्लाहीको हरिपुरवा विद्यालयमा समान्य विवाद मात्र भएको छ, मुक्कामुक्कीको क्रममा २ जना समान्य घाईते भएको छ । झडप भएकै छैन, दुई जनापक्षबीच भनाभन हुँदा समान्य झगडा मात्र भएको छ , मुक्कामुक्की भईरहँदा समयमै प्रहरी पुगेर त्यसलाई नियन्त्रण गरेको छ , अन्य केही छैन ।"- जिल्ला प्रहरी कार्यालय सर्लाहीका प्रहरी प्रवक्ताले जानकारी दिए ।

प्रहरीका अनुसार विद्यालयमा व्यवस्थापन समिति गठनको लागि बोलाइएको अभिभावक भेलामा दुई पक्षबीच भएको भनाभन उग्र हुँदै मुक्कामुक्की र धक्काधक्की भएको थियो । अवस्था उग्र नहोस भनेर बोलाइएको प्रहरीले समयमै नियन्त्रण गरेको जनाइएको छ ।