• २०७६ भदौ ३० गते, सोमबार

धनुषामा एक वडा कार्यालयको कम्प्युटर सहित रसिद समेत गायब 

कागजीमा राजस्वको रसिद चोरी गरेपछि शंका झन बढेको हो ।


न्यूज ब्यूरो, जनकपुरधाम । धनुषाको एक नगरपालिकाको वडा कार्यालयको जिन्सी सहित कागजातहरु चोरी भएको छ । 

 

जिल्लाको कमला नगरपालिकाको वडा नं. ४ वडा कार्यालयमा रहेको जिन्सी समानहरु चोरी भएको ईलाका प्रहरी कार्यालय खजुरीले जनाएको छ । ईलाका प्रहरी कार्यालय खजुरीका प्रहरी नीरिक्षक एवम् ईन्चार्ज शंकर प्रसाद चौधरीले जनाए अनुसार वडा कार्यालयमा आईतबार विहान करिब ३ बजेको समयमा चोरी भएको हो । 

 

राजनीतिक रिसबीका कारण चोरी भएको आशंका गरिएपनि उक्त घटनाको अनुसन्धान थालिएको जानकारी उनले दिए । प्रहरीले जनाए अनुसार कुल ५५ हजार ४ सय रुपैयाँ मूल्य बराबरको चोरी भएको हो । नयाँ बनेको वडा कार्यालयको डेस्कटप कम्प्युटर, प्रिन्टर र १० हजारको राजस्व रसिद समेत चोरी गरिएको हो । विहान करिब ३ बजेको समयमा कार्यालयको ताला फुटाएर चोरी गरिएको जनाइएको छ । 

 

ताल्चा फुटाएर कार्यालयको अभिलेख राख्ने कम्प्युटर, प्रिन्टर र राजस्वको रसिद मात्र चोरी भएपछि राजनीतिक वा व्यक्तिगत रिसबीको कारण चोरी गरिएको अनुमान गरिएको छ । चोरी गर्नेले अन्य समाग्री त्यतिकै छाडेर तीनटा समान मात्र चोरी गरी लगेका छन् । कागजीमा राजस्वको रसिद चोरी गरेपछि शंका झन बढेको हो ।

Loading...
श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका | समाचारको लागि : +977-9854028045 मा फोन गर्नुहोस् ।
यो समाचारमा तपाईको विचार COMMENT गर्नुहोस्
Loading...