• २०७६ भदौ ८ गते, आइतबार
०६:१२ pm

धनुषामा लवकुश  जन्मजयन्ती मनाइने

लवकुश जयन्तीमा कुशवाहा समुदायको विशेष उल्लास हुँदै आएको छ । 


न्यूज ब्यूरो, धनुषा । मर्यादा पुरुषोत्तम भगवान श्रीरामको पुत्र लवकुश जयन्ती यसपाली पनि धुमधामको साथ मनाइने भएको छ । 


धनुषाको बटेश्वर गाउँपालिका वडा नं. १ चित्रपुरस्थित लवकुश चौकमा यसपाली २५ औं लवकुश जयन्ती समारोह मनाउने भएको छ । रक्षाबन्धनको उपलक्ष्यमा कुशवाहा समुदायहरुको बाक्लो वस्ती रहेको सो क्षेत्रमा लवकुश जयन्ती मनाउने गरेको छ । नेपाल कुशवाहा कल्याण समाज तथा लवकुश विकास प्रतिष्ठानले २५ औं लवकुश जयन्तीको अवसरमा मेला र सांस्कृृति कार्यक्रमको समेत आयोजना गरेको छ ।

 

साउन ३० गते दिउँसो कुशवाहा समुदायवासीहरुको विकास र देश विकासमा भुमिका विषयमा कुशवाहा समुदायका उच्च तहका व्यक्तिहरुबाट मनतब्य तथा पुजापाठ गरिने कार्यक्रम रहेको कुशवाहा समाजका केन्द्रिय सदस्य तथा कार्यक्रम आयोजक नथुनी कुशवाहाले जानकारी दिएका छन ।

 

 लवकुश जन्मजयन्तीको अवसरमा कुशवाहा समुदायका मन्त्रि, सांसद, कर्मचारी तथा नेताहरुको विशेष उपस्थिती रहने आयोजकले जनाएको छ । लवकुश जयन्तीमा कुशवाहा समुदायको विशेष उल्लास हुँदै आएको छ । 

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
प्रतिकृया दिनुहोस