• २०७६ भदौ ८ गते, आइतबार
०६:१४ pm

धनुषामा निःशुल्क आँखा शिविर सम्पन्न, १ सय ८६ जना लाभान्वित

न्यूज ब्यूरो, धनुषा । धनुषाको मिथिला नगरपालिकामा मंगलबार सम्पन्न निःशुल्क आँखा शिविरबाट भण्डै पौने २ सय जना लाभान्वित भएका छन् ।

 

नेपाल रेडक्रस सोसाईटी, जानकी आँखा अस्पताल जनकपुरको आयोजना तथा तीलगंगा आँखा प्रतिष्ठान काठमाडौं र फ्रेडहोलोज फाउण्डेसनको सहयोग एवं स्थानीय लक्ष्मी ज्योति यूवा क्लब हरिहरपुर लालभिट्टीको सहकार्यमा मिथिला नगरपालिका–३ लालभिट्टीमा सम्पन्न शिविरबाट महिला र पुरुष गरी १ सय १८६ जनाले लाभ लिएका हुन् ।

 

लालभिट्टीस्थित हरिहरनाथ महादेव बाबा मन्दिरको प्रांगनमा आयोजित शिविरमा १ सय ८६ जनाले आँखाको परीक्षण गराएकामा ४० जनामा मोतियाबिन्दुको समस्या पाइएको छ ।

 

शिविरबाट पहिचान भएका मोतियाबिन्दुका बिरामीलाई भोली (बुधबार) जानकी आँखा अस्पताल जनकपुरमा निःशुल्क शल्यक्रियाको व्यवस्था मिलाइएको आयोजकले जनाएको छ । शिविरमा निःशुल्क आँखा परीक्षणका साथै परामर्श समेत दिइएको थियो ।
 

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
प्रतिकृया दिनुहोस