• २०७६ भदौ ८ गते, आइतबार
०४:५४ pm

धरान हस्पिटलमा टेम्पोमाथि रुख ढल्दा जनकपुरका दुई घाईते !

जनकपुरका यादव दम्पतिलाई अहिले हस्पिटलको ईमेरजेन्सी वार्डमा उपचार भईरहेको छ ।


न्यूज ब्यूरो, धरान । सुनसरीको धरान स्थित रहेको विपि कोईराला स्वास्थ्य विज्ञान प्रतिष्ठानको परिसरमा रुख ढल्दा दुई जना घाईते भएका छन् ।

 

धरानको वडा नं. १८ स्थित रहेको अस्पताल (घोपा क्याम्प) परिसरभित्र रहेको रुख अचानक ढल्दा जनकपुर उपमहानगरपालिका वडा नं. १४ मुजेलिया बस्ने २२ बर्षिय जीतेन्द्र यादव र उनकी २० बर्षिय श्रीमति अञ्जना देवी यादव रहेको अस्पताल श्रोतले जनाएको छ । हस्पिटलमा रोकि राखेको को २ ह ५५७५ नम्बरको टेम्पो उपर रुख ढलेको अस्पतालमा खटिएका प्रहरी हबल्दार विश्वानाथ यादवले जनाए । 

 

 

यादवका अनुसार, प्रतिष्ठानको तेस्रो भवन (बिलिङ काउन्टर ) अगाडीको पार्कीङको छेउमा रहेको सालको रुख ढल्दा टेम्पो पूर्ण रुपमा क्षतिग्रस्त भएको हो । रुख ढलेर घाईते भएका जनकपुरका यादव दम्पतिलाई अहिले हस्पिटलको ईमेरजेन्सी वार्डमा उपचार भईरहेको छ । अञ्जनाको टाउकोमा गम्भिर चोट लागेको छ भने जीतेन्द्रलाई समान्य चोट लागेको छ । 

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
प्रतिकृया दिनुहोस