• २०७६ भदौ ८ गते, आइतबार
०५:४६ pm

धनुषा : एक युवक धानबारीमा मृत फेला !

पोष्टमार्टम रिपोर्ट आएपछि मात्र बताउन सकिने जिल्ला प्रहरी कार्यालय धनुषाले जनाएको छ । 


न्यूज ब्यूरो, जनकपुरधाम । धनुषामा एका विहानै एक युवक मृत अवस्थामा फेला परेको छ । 


धनुषाको गणेशमान चारनाथ नगरपालिका वडा नं. ७ पानी टयाँकी भन्ने ठाउँमा एक युवक मृत अवस्थामा फेला परेको जिल्ला प्रहरी कार्यालय धनुषाले जनाएको छ । धनुषाका प्रहरी प्रवक्ता रामेश्वर कार्कीका अनुसार विहानै किसानहरु खेतमा जाँदा ती युवकलाई धानबारीमा मृत देखेपछि प्रहरीलाई खवर गरेको थियो । यद्यपी अहिलेसम्म मृतकको सनाखत भने हुन सकेको छैनन् ।

 

गणेशमान चारनाथ नगरपालिका वडा नं. ६ बस्ने स्थानीय गुमराज उपाध्यायको धानबारीमा मृत अवस्थामा फेला परेको हो । उपाध्यायको वडा नं. गोदार स्थित रहेको पानी टयाँकी नजिक पूर्व पश्चिम राजमार्गदेखि करिब ३० मिटर दक्षिण तर्फ धानबारीमा मृत फेला परेको हो । युवकको मृत्यू कसरी भएको बारे यकिन हुन नसकेको जनाउँदै प्रहरीले मृतकको शवलाई पोष्टमार्टमको लागि जनकपुर अञ्चल अस्पताल ल्याउने तयारी भईरहेको जानकारी दिए । 


मृत्यू कसरी भएको भन्ने बारे अस्पतालको पोष्टमार्टम रिपोर्ट आएपछि मात्र बताउन सकिने जिल्ला प्रहरी कार्यालय धनुषाले जनाएको छ । 

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
प्रतिकृया दिनुहोस