कमेडीको नाममा फेरी पनि मधेशी समुदाय उपर प्रहार !

न्यूज ब्यूरो, जनकपुरधाम । एउटै देशमा दोस्रो दर्जाको नागरिक सरह व्यवहार सहदै आएका मधेशी समुदायलाई एक कमेडीको नाममा अपशब्द प्रहार गरिएको छ ।

बर्षौदेखि कमेडी सिरियल र शोको नाममा मधेशी समुदायलाई लक्षित गरी कार्यक्रम प्रसारण गर्दै आएका युटुबरहरुले सँचालन गरेको स्टेण्डप कमेडीमा काठमान्डौंकी एक कलेजकी छात्राले मधेशी समुदायका युवा विद्यार्थीहरुलाई धोती केटो भनेर बारम्बार दोहर्याएको भिडियो समाजिक संंजालमा भाईरल भइरहेकोे छ ।

मधेशी समुदाय माथि अपशब्द प्रहार गरिएको उक्त भिडियो समाजिक संजालमा जताततै शेयर भइरहेकोे छ भने कार्यक्रम संचालिकाको चौतर्फी आलोचना भइरहेकोे छ । समाजिक सँजाल फेसबुकमा उक्त भिडियोमा मधेशी समुदायका युवाहरुले उनले प्रयोग गरेको शब्द प्रति कडा आपत्ति जनाएका छन् ।

समाजिक सँजाल युटयूबमा लाफ नेपाल कमेडी च्यानलबाट प्रसारण हुने एक स्टेण्डप कमेडी श्रृंखलामा "नारिया गिरी" नामक एक प्रस्तोताले पटक पटक धोती केटा, धोती केटा भनेर शब्द प्रयोग गरेकी छन् । उनले भनेकी छन् - "मेरो क्लासमा मै होला एक्स अथवा लभ परेकी , किनभने क्लासमा सब जना त धोती केटाहरु , म त बाहिरको भट्या हो, तर धोती केटिनीहरुलाई धोती केटा नै मन पर्छ किनभने थाहा छ ? टयालेन्ट हुन्छन नी त केटाहरु , टपर पटयाउने हो, इक्जाममा राम्रोसँग पास हुन्छ । सिकाई दिन्छ नी, नत्र ब्रेकअप, कालो गए गोरो आउँछ नी ।"

यी शब्दहरुले मधेशी समुदाय उपरको कडा र अभद्र शब्द प्रयोग गरेको टिकाटिप्पणी समाजिक सँजालमा गरिएको छ । मधेशी समुदायकी छात्राहरुलाई "धोतिनी" भनेर अपशब्द प्रयोग गरेकी छन् भने छात्रहरुलाई धोती भनेर सम्बोधन गरेकी छन् । जसको क्रममा मधेशी समुदायका छात्रहरु कालो हुने भनेर पनि जीकिर गरिएको छ । मधेशी समुदायका छात्रहरु टयालेन्ट हुन्छ भनेर भन्दै उनले मधेशी समुदायकी छात्रहरु समेत टपर छात्र खोजेर पटयाउने जस्ता शब्दहरुको प्रहार गरेकी छन् ।

उक्त भिडियोमा मधेशी समुदायका छात्रछात्राहरुलाई खिल्ली उडाएको भन्दै आलोच्नात्मक टिकाटिप्पणी गरिएको छ । केही दिन अगाडी मात्र वीरगँजमा नागरिकताको लागि लाईनमा बसेका मधेशी समुदायलाई भारतीय भनेर फेसबुक लाईभ आएकी महिलाले समेत मधेशी समुदायलाई हेपेकी थिइन । त्यसपछि जागरुक युवाहरुले प्रदेश नं. २ का महान्यायधिवक्ता दीपेन्द्र झा समक्ष मधेशी वा धोती भनेर हेप्नेलाई जेल सजायको माग गरेका थिए ।

यता, मधेशी आयोगका अध्यक्ष विजय दत्तले न्यूज ब्यूरो मार्फत भिडियो हेरेको र महानगरीय प्रहरी वृत काठमान्डौंमा गुनासो गरेको प्रतिक्रिया दिएका छन् । कमेडीको नाममा मधेशी समुदायलाई हेपेको र अपशब्द प्रयोग गरेको प्रसँगमा अध्यक्ष दत्तले भिडियोको समिक्षा गरी प्रहरीमा खवर गरेको जनाउँदै प्रहरीबाट आउने प्रतिक्रियापछि मात्र केही भन्न सकिने बताए ।