• २०७६ भदौ ८ गते, आइतबार
०५:०२ pm

नयाँ करनीतिको विरोधमा धनुषाका व्यापारीहरु सडकमा 

विपरीत नियम, कानुन र ऐन ल्याएर निजी क्षेत्रलाई प्रभावित गर्न खोजिएको व्यापारीहरुको आरोप छ ।


न्यूज ब्यूरो, जनकपुरधाम ।  नेपाल सरकारले ल्याएको कर नीतिको विरोधमा धनुषाका व्यापारीहरु सडक तताएका छन् ।


नयाँ कर नीतिको विरोधमा धनुषाको क्षीरेश्वरनाथ नगरपालिका महेन्द्ननगरका व्यापारीहरुले आईतबार विरोध ¥याली निकालेका छन् । 
क्षीरेश्वरनाथ उद्योग वाणिज्य संघ महेन्द्रनगरको अगुवाइमा निकालिएको विरोध ¥यालीका सहभागीले नगर बजार परिक्रमा गर्दै सरकारले ल्याएको अव्यवहारिक करको विरोध गरेका छन् ।


संघको कार्यालयबाट निकालिएको ¥याली नगरको विभिन्न भागको परिक्रमा गरेको थियो । सरकारले ल्याएको ऐन, नीति, तथा कानुनले निजी क्षेत्रमा अन्यौल सिर्जना गरेको क्षीरेश्वरनाथ उद्योग वाणिज्य संघका अध्यक्ष सुरेश यादवले बताए । 

 

आर्थिक विकास तथा नेपाल सरकारले घोषणा गरेको “समृद्ध नेपाल सुखी नेपाली” नारालाई सार्थक तुल्याउने प्रमुख संयन्त्रको रुपमा रहेका निजी क्षेत्रलाई खुल्ला एवं सहज वातावरण निर्माण गरी राष्ट्रिय अर्थतन्त्र गतिशील बनाउनुको सट्टा ठिक विपरीत नियम, कानुन र ऐन ल्याएर निजी क्षेत्रलाई प्रभावित गर्न खोजिएको व्यापारीहरुको आरोप छ ।


नयाँ व्यवस्थालाई तत्काल स्थगन गरेर निजी क्षेत्रको सुझाव अनुसार उद्योग, व्यापार र व्यवसायको सापेक्षतामा हुने गरी अव्यवहारीक ऐन परिमार्जन तथा संशोधन गरिनुपर्ने संघका अध्यक्ष यादवले बताए ।व्यापारीहरुको विरोध ¥यालीमा क्षीरेश्वरनाथ नगरपालिकाका प्रमुख योगेन्द्र पजियारले पनि आफू व्यापारीहरुको साथमा रहेको बताए ।

 

नेपाल सरकार द्वारा आम सर्वसाधारण ब्यापारी ,मजदुर किसान तथा गरिब जनता हरु माथि अनावश्यक झन्झटिलो र ढाड सेक्ने गरी चौतर्फी जुन कर प्रणाली लागू गरेको छ। त्यसको बिरोधमा क्षिरेश्वरनाथ उधोग बाणिज्य संघको अगुवाइमा बृहत बिरोध रयाली नगर परिक्रमा गरी हनुमान चोकमा कोण सभामा परिणत भएको थियो।


कोणसभामा क्षीरेश्वरनाथ नगरपालिकाका मेयर योगेन्द्र पजियार, समाजसेवी  मित्रलाल गिरी ,मानार्थ सदस्य बासुलाल महतो, पुर्व अध्यक्ष रामजी सिंह तथा सल्लाहकार ललित साह लगायतका बक्ताहरुले आ आफ्नो धारणा मन्तब्य राखेका थिए । 


 

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

विनय कुमार यादव, धनुषा

संवाददाता

प्रदेश नं. २, धनुषा - नेपाल

विनय कुमार यादव || उहाँ न्यूज ब्यूरोको धनुषा जिल्ला सहकर्मी हुन् । धनुषाको उत्तरीपूर्वी भेगका जानकारी तथा समचारको लागि उहाँ प्रतिनीधित्व गर्दैहुनुहुन्छ | मोबाईल नं. : +9779844401154 , 9803142770 |

प्रतिकृया दिनुहोस