• २०७६ भदौ ८ गते, आइतबार
०६:३० pm

धनुषा : मुसहरी टोलका ६ दर्जन बाढी पीडित राहतको पर्खाईमा भोकै

प्रहरी नीरिक्षक रामकुमार यादवले राहत स्वरुप भुजा र चाउचाउ वितरण गरेका थिए ।

न्यूज ब्यूरो, जनकपुरधाम । धनुषाको दुई दर्जन घर परिवारका करिब ७० जना बढी बाढी पीडित राहतको पर्खाईमा भोकै बसेका छन् ।


धनुषाको  धनुषाधाम नगरपालिका वडा नं. १ स्थित मखन बाबा कुटि मुसहरी टोलका १६ घरधुरीको उठीवास भएको छ । ती १६ परिवारको करिब ७० जना पीडित राहतको पर्खाईमा भोकै बसेका छन् । राहतको पर्खाईमा सरोकारवालाको पर्खाईमा भोकै घर बाहिरै बस्न बाध्य भएका छन् ।  

 

साथै घरको चामल देखि सबै समान बाढीले भिजाएपछि उनीहरुको उठीवास भएको छ । मुसहरी टोलमा प्रत्येक वर्ष बाढीले वितण्डा मच्चाएपनि सकारको ध्यान नगएको गुनासो गरिउको छ । गत वर्ष चाईना सरकारले राहत प्रदान गरेको थियो ।


सोही क्षेत्रमा ईलाका प्रहरी कार्यालय धनुषाधामका प्रहरी नीरिक्षक रामकुमार यादवले राहत स्वरुप भुजा र चाउचाउ वितरण गरेका थिए । ईन्सपेक्टर यादवले भने, - 'अन्नपात समेत भिजेपछि यहाँका सर्वसाधारण भोकभोकै थिए, तत्काल मैले राहत बाँडेर उनीहरुको भोक टार्ने प्रयास गरे । यहाँ अझ मनकारी मन र राहतको आवश्यकता छ, यहाँका पीडितहरुलाई राहत उपलब्ध गराउन विभिन्न समाजसेवी लगायत निकायमा जानकारी गराएको छु ।'

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
प्रतिकृया दिनुहोस