• २०७६ कार्तिक ६ गते, बुधबार



नगरका जनताको स्वास्थ्यप्रति पूर्ण सचेत छौं : मेयर यादव

जनताको मौलिक हकको रुपमा रहेको स्वास्थ्यप्रति पूर्ण सचेत भई डेंगुबाट बच्न अगावै सतर्कता अपनाएको नगप्रमुख यादवले जनाए ।

न्यूज ब्यूरो, सिरहा । सिरहाको मिर्चैया नगरपालिकाका मेयर श्रवण यादवले नगरका जनताको स्वास्थ्यप्रति पूर्ण सचेत रहेको जिकिर गरेका छन् ।

 

मिर्चैया नगरपालिका, स्वास्थ्य शाखाको आयोजनामा आईतबारदेखि शुभारम्भ गरिएको ४ दिने डेंगु, ज्वरो नियन्त्रण सम्बन्धि कार्यक्रम अन्तर्गत पहिलो दिनको अभिमुखिकरण कार्यक्रमलाई उद्घाटन गर्दै नगरप्रमुख यादवले विकास पूर्वाधारको मूल तत्व मानिएको स्वास्थ्यप्रति सचेत रहेको बताएका हुन् ।

 

प्रदेश २ को सप्तरी जिल्लाका विभिन्न स्थानहरुमा डेंगु संक्रमण फेला पर्न थालेपछि सम्भावित प्रकोपलाई मध्यनजर गर्दै सिरहाको मिर्चैया नगरपालिकाले डेंगु, ज्वरो नियन्त्रण सम्बन्धि सचेतना मूलक कार्यक्रम आयोजन गरेको हो ।

 

जनताको मौलिक हकको रुपमा रहेको स्वास्थ्यप्रति पूर्ण सचेत भई अगावै सतर्कता अपनाएको नगप्रमुख यादवले जनाए । लामखुट्टेको टोकाईबाट डेंगु सर्ने गरेको र पानी जम्ने ठाउँमा लामखुट्टे सक्रिय हुने भएकाले यसबाट बच्न नगरबासीलाई सचेत हुन आग्रह समेत गरे ।

 

आईतबार (आज) देखि सुरु गरिएको कार्यक्रम अन्तर्गत आज अभिमुखिकरण गरिएको छ भने १६, १७ र १८ गते ३ दिन फिल्डमा गएर नगरका जनतालाई डेंगु रोग, यसका लक्षण र बच्ने उपायका विषयमा जानकारी, सचेतना दिइने स्वास्थ्य शाखा संयोजक सुरेश सिंहले जानकारी दिए ।
 

उद्घाटन सत्र कार्यक्रमको प्रमुख अतिथिका रुपमा नगरप्रमुख श्रवण यादव सहभागी थिए भने अतिथिका रुपमा ईलाका प्रहरी कार्यालय मिर्चैयाका डिएपी सुकदेव खनाल, जनप्रतिनिधि लगायतका सहभागी थिए । कार्यक्रममा नगरका विभिन्न स्वास्थ्य संस्थाका प्रतिनिधि, सुरक्षाकर्मी, स्वयंसेविका, बुद्धिजिवी लगायतको उल्लेख्य सहभागिता थियो ।

Loading...
श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका | समाचारको लागि : +977-9854028045 मा फोन गर्नुहोस् ।
resized image

बिनय यादव

(ब्यूरो प्रमुख)

प्रदेश नं. २, सिरहा – नेपाल

“बिनय यादव” न्यूज ब्यूरोका सिरहा जिल्ला प्रतिनिधि सहित ब्यूरो प्रमुख समेत हुन् । उहाँ प्रदेश २ लगायत देशभरिकै समसामयिक र सरोकारगत समाचार सम्पादन गर्नुहुन्छ । मोबाईल नं. +९७७९८६९०६७६९४, ९८१५७४५३९१ । Email : [email protected] । उहाँलाई समाजिक सञ्जाल फेसबूक र ट्वीटरमा पनि भेट्न सकिन्छ ।

यो समाचारमा तपाईको विचार COMMENT गर्नुहोस्
  • सम्बन्धित समाचारहरु


  • Loading...