• २०७६ असार ३१ गते, मंगलबार
११:५९ pm

लोकसेवाको विज्ञापन उपर परेका सबै रिटमा एकैपटक सुनुवाई गर्न सर्वोच्चको आदेश

सर्वोच्चले बुधबार छलफल गरेर यस्तो आदेश गरेको हो ।

न्यूज ब्यूरो, जनकपुरधाम । चौतर्फी विरोध भइरहेको लोकसेवा आयोगको विज्ञापन उपर परेका सबै रिटलाई एकै पटक सुनुवाइ गर्न सर्वोच्चले आदेश गरेको छ । सर्वोच्चले बुधबार छलफल गरेर यस्तो आदेश गरेको हो ।

 

भर्नासम्बन्धमा विभिन्न तीन वटा मुद्धाका साथै कर्मचारीले पनि मुद्धा हालेकाले सबै मुद्धा एकै ठाउँमा राखेर पेशी चढाउन आदेश दिएको जनाइएको छ ।

 

न्यायाधीशद्वय हरिकृष्ण कार्की र इश्वर खतिवडाको संयुक्त इजलासले यस्तो आदेश दिएको हो । 

 

लोक सेवा आयोगले समावेशी सिद्धान्त पालना नगरी विज्ञापन गरेको भन्दै अधिवक्ताहरू जगदेव चौधरी, विकास ठाकुर र राजाराम घिमिरेले छुट्टाछुट्टै रिट निवेदन दायर गरेका छन् ।

 

आदरणीय पाठक, यो समाचारमा यसअघि अन्यथा हुन गएकोमा पुनः सच्याइएको छ ।

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
प्रतिकृया दिनुहोस