• २०७६ कार्तिक ६ गते, बुधबार



जनकपुरको मिल्स एरिया तनावग्रस्त !

उनीहरुले समयमै बाटोको जीर्णता उद्धार गर्नुपर्ने चेतावनी दिदै बाटो अवरुद्ध गरेका हुन् ।

न्यूज ब्यूरो, जनकपुरधाम । जनकपुर उपमहानगरपालिकाको मिल्स एरिया भन्ने चोक अहिल तनावग्रस्त बनेको छ ।

 

जनकपुरधाम उपमहानगरपालिका वडा नं. १ मिल्स एरिया स्थित रहेको रेल्वे लिकदेखि शिवपुर जाने बाटो अत्यधिक जीर्ण भएको भन्दै बाटो सुधारको लागि स्थानीयहरु सडकमा आएका छन् । उनीहरु बाटो मर्मत सम्भारको माग गर्दै टायर बालेर प्रदर्शन गरिरहेका छन् । 

 

जनकपुरको मिल्स एरियादेखि बेंगाशिवपुर जानेबाटो जीर्णताका कारण बर्षायाममा हिडन सक्ने अवस्था नरहने तथा विभिन्न समयमा दुर्घटनाको शिकार आम सर्वसाधारणहरु भईरहेको भन्दै बाटो सुधारको लागि जनकपुरधाम उपमहानगरपालिकाका मेयर लालकिशोर साहलाई स्वयंम उपस्थित हुन स्थानीयहरुले माग गरेका छन् । 

 

उनीहरुले हातमा प्लेकार्ड बोकेर "मेयर आउनृपर्छ, वस्तुअवस्था बुझनुपर्छ" - भन्ने नारा सहित स्थानीय जनप्रतिनीधिको पनि विरोध गर्दै चक्काजाम समेत गरेका हुन् । असार चढेपनि यसपाली बाटो सडक बनेन भने बर्षायाममा घरम बस्नुपर्ने अवस्था समेत रहने नगरेको भन्दै उनीहरुले समयमै बाटोको जीर्णता उद्धार गर्नुपर्ने चेतावनी दिदै बाटो अवरुद्ध गरेका हुन् ।


 

Loading...
श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका | समाचारको लागि : +977-9854028045 मा फोन गर्नुहोस् ।
यो समाचारमा तपाईको विचार COMMENT गर्नुहोस्
  • सम्बन्धित समाचारहरु


  • Loading...