• २०७६ कार्तिक ६ गते, बुधबार



सिरहामा बार्गेनिङ गरिरहेको अवस्थामा एक प्रहरीसहित ३ पक्राउ !

उनीहरुलाई पक्राउ गरी आवश्यक कानूनी कारवाही अघि बढाइएको सिरहा प्रहरीले जनाएको छ । 

Pic credit : Google

न्यूज ब्यूरो, सिरहा । सिरहामा बार्गेनिङ गरिरहेको अवस्थामा एक प्रहरी हवल्दारसहित ३ जनालाई पक्राउ गरिएको छ । भन्सार छलेर अवैधरूपमा ल्याएको सामान छुटाइदिने भन्दै रकमको बार्गेनिङ गरिरहेको अवस्थामा प्रहरीले हवल्दारसहित तीन जनालाई पक्राउ गरेको हो ।

 

सिरहाको गोलबजार नगरपालिका ४ निवासी रञ्जित साहले ज१ज ४०२ नंको गाडीमा भारतबाट अवैधरूपमा ल्याएको सामान सिरहा नगरपालिका ७ स्थित ट्राफिकचोकस्थित चेकिङ प्वाइन्टमा छुटाइदिन्छु भन्दै बार्गे्िनङ गरिरहेको अवस्थामा जिल्ला प्रहरी कार्यालय सिरहाबाट खटिएको प्रहरी टोलीले प्रहरी हवल्दार अशोककुमार यादवसहित गाडी चालक शिवशङ्कर साह र रञ्जित साहलाई पक्राउ गरेको हो ।

 

ट्राफिक चोकमा ड्युटीमा खटिएका प्रहरी हवल्दार यादवले जाँच गर्ने क्रममा भारतको जयनगरबाट लुकाइछिपाई ल्याइएको करीब तीन हजारभन्दा बढी मूल्य बराबरको सामान छुटाइदिन्छु भन्दै सो गाडी चालक साहसँग निज प्रहरी हवल्दार यादवले रकमको बार्गेनिङ गरिरहेको अवस्थामा तीनै जनालाई पक्राउ गरिएको सिरहा प्रहरीले जनाएको छ । 

 

उनीहरुलाई पक्राउ गरी आवश्यक कानूनी कारवाही अघि बढाइएको जिल्ला प्रहरी कार्यालय सिरहाका प्रवक्ता प्रहरी नायब उपरीक्षक अपिलराज बोहराले जानकारी दिए ।

Loading...
श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका | समाचारको लागि : +977-9854028045 मा फोन गर्नुहोस् ।
यो समाचारमा तपाईको विचार COMMENT गर्नुहोस्
  • सम्बन्धित समाचारहरु


  • Loading...