• २०७६ असोज ६ गते, सोमबार

कमला नपामा लैंगिक हिंसा विरुद्ध आत्मरक्षा तालिम 


न्यूज ब्यूरो, धनुषा । धनुषाको एक विद्यालयमा लैंगिक हिंसा विरुद्ध आत्मरक्षा तालिम सुरु गरिएको छ ।

 

धनुषाको कमला नगरपालिका वडा नं. १ मंगराहा टोलको ईश्वरवाडा सामुदायिक विद्यालयमा लैंगिक हिंसा विरुद्धको आत्मरक्षा सम्बन्धि विद्यालय स्तरीय तालिम सुरु गरिएको हो । कमला नगरपालिकाका मेयर राम उदगार गोईतले सो कार्यक्रमको उदघाटन गरेका हुन् ।


 जनता माध्यमिक विद्यालय मङ्गराहा ईश्वरबाडामा लैङगिक हिंसा विरुद्धको आत्मरक्षा सम्बन्धि विद्यालय स्तरीय तालिमको उदघाटन गर्दै मेयर गोईतले लैंगिक हिंसा विरुद्ध सबैले एक जुट भए यसलाई न्यूनिकरण गर्न सकिने बताए । उनले लैंिगिक हिँसा अन्त्य नभएसम्म नगरको विकासमा समेत अवरोध भईरहने बताए । 


विद्यालयका प्रधानाध्यापक जितेन्द्र कुमार पासवानको अध्यक्षता एवम नगर प्रमुख गोईतको प्रमुख आतिथ्यमा उक्त तालिमको उदघाटन गरिएको हो । स्थानीय जनप्रतिनीधिबीचको विवाद साम्य भएपछि कमला नगरपालिकामा अहिले विकास निर्माणका कार्यहरु गति लिएको छ । 

 

सो अवसरमा नगरकी उपमेयर शीला देवि मण्डल ,जिल्ला खेलकुद विकास समितिका प्रशिक्षक अखिलेश कर्ण, भरत यादव, ग्रामीण विकास केन्द्र धनुषाका अध्यक्ष श्री प्रसाद यादव, बिजय ठाकुर, अनिल यादव लगायतका उपस्थिती थियो।


सो कार्यक्रमलाई सुनिल कुमार यादवले संचालन गरेका थिए । विस्तारै शिक्षा क्षेत्रलाई समेत कमला नगरपालिकाले विकासको तर्फ लगिरहेको छ । 

Loading...
श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका | समाचारको लागि : +977-9854028045 मा फोन गर्नुहोस् ।
यो समाचारमा तपाईको विचार COMMENT गर्नुहोस्
Loading...