• २०७६ असार ४ गते, बुधबार
०३:०६ pm

साउदी अरबमा मधेशी मिलन समारोह, युवाहरुले भने, 'अब सोंच मधेशी'

मधेशको भविष्य अन्धकारमा पुर्याइदिने भन्दै सबै मधेशीहरुले सोच्नपालो आइसकेको धारणा राखेका थिए ।

न्यूज ब्यूरो, साउदी अरब । साउदी अरबमा रहेका मधेशी युवाहरुले सामूहिक मिलन गरेका छन् । मधशीहरुको छाता संगठन एनआरएमए साउदी अरबको आयोजनामा मंगलवार मधेशी मिलन समारोह सम्पन्न भएको हो ।

 

ईस्लाम धर्माबलम्बीहरुको आस्थाको पर्व ईद उल फित्रको अवसर पारेर एनआरएमएले आयोजन गरेको मधेशी मिलन समारोहमा मधेशी युवाहरुले मधेशको वर्तमान अवस्था उपर केन्द्रित रहेर अन्तरक्रिया गरेका छन् । 

 

रोजगारीको शिलशिलामा सात समुद्र पारी साउदी अरबमा बस्दै आएका मधेशीहरुले मधेशको अबको विकल्प के हुने र युवाहरुले सोच्नुपर्ने उपर केन्द्रित रहेर अन्तरक्रिया गरेको एनआरएमए साउदीका अध्यक्ष निर्मल मण्डलले जानकारी दिए ।

 

मधेशीहरुको छाता संगठन एनआरएमएमा आवद्ध युवाहरुले अब मधेशका युवाले मधेशको लागि नसोचे मधेशमा पसल थापेर बसेकाहरु मधेशको भविष्य अन्धकारमा पुर्याइदिने भन्दै सबै मधेशीहरुले सोच्नपालो आइसकेको धारणा राखेका थिए ।

 

मिलन समारोहमा साउदी अरबमा रहेका अन्य संस्थाहरुमा आवद्ध रहेका युवाहरु पनि मधेशको लागि केही गर्नसक्ने प्रण गरेर एनआरएमएको नयाँ सदस्यता लिएका छन् । साथै, यस संस्थालाई मधेशीहरुको सबैभन्दा ठूलो छाता संगठन बनाउने संकल्प पनि लिइएको छ भने यस संस्थासँग जुड्न प्रवासमा रहेका मधेशीहरुलाई आग्रह समेत गरिएको छ ।

 

साउदीमा भएको मधेशी मिलन समारोहमा प्रमुख अतिथिका रुपमा एनआरएमए साउदीका अध्यक्ष निर्मल मण्डल सहभागी थिए भने विशिष्ट अतिथिका रुपमा वरिष्ठ उपाध्यक्ष अधिकारी उपेन्द्र सहभागी थिए ।

 

कार्यक्रममा नेपालको मधेश भूभागबाट साउदी अरब गएका मधेशी मूलका नेपालीहरुको जोडदार सहभागिता थियो ।
 

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

बिनय यादव, सिरहा

(ब्यूरो प्रमुख)

प्रदेश नं. २, सिरहा – नेपाल

“बिनय यादव” न्यूज ब्यूरोका सिरहा जिल्ला प्रतिनिधि सहित ब्यूरो प्रमुख समेत हुन् । उहाँ प्रदेश २ लगायत देशभरिकै सरोकारगत समाचार सम्पादन गर्नुहुन्छ । मोबाईल नं. +९७७९८६९०६७६९४, ९८१५७४५३९१ | Email : [email protected] | उहाँलाई समाजिक सञ्जाल फेसबूक र ट्वीटरमा पनि भेट्न सकिन्छ ।

प्रतिकृया दिनुहोस