• २०७६ असोज ५ गते, आइतबार

सहिद ढुंगानाको स्मृति प्रतिष्ठान उद्घाटन उपलक्ष्यमा २ दिने स्वास्थ्य शिविर

प्रतिष्ठानले नगरका जनतालाई मौका लाभ उठाउन आग्रह समेत गरेको छ । 

न्यूज ब्यूरो, जनकपुरधाम । धनुषाको धनुषाधाम गोविन्दपुरस्थित आज उद्घाटन हुन लागेको सहिद ठाकुर प्रसाद ढुंगाना स्मृति प्रतिष्ठानमा २ निःशुल्क स्वास्थ्य शिविर संचालन गरिएको छ । प्रतिष्ठानको उद्घाटनको उपलक्ष्यमा दुई दिने शिविर संचालन गरिएको हो । 

 

धनुषाधाम नगरपालिका वडा नं. १ गोबिन्दपुरमा नवनिर्मित प्रतिष्ठानको भवनको आज विधिवत् रुपमा समुद्घाटन हुँदैछ । 

 

उद्घाटनको उपलक्ष्यमा मानव सेवाको संदेश प्रवाह गर्ने भावले चलाइएको शिविरमा विभिन्न प्रकारका रोगीहरुको निःशुल्क स्थास्थ्य जाँच हुने स्व. ठाकुर ढुंगानाका नाति तथा चिकित्सक पेशामा आवद्ध आशिष ढुंगानाले जानकारी दिए ।

 

शिविरमा विरामीहरुलाई चेकजाँच गरी आवश्यक औषधि पनि निःशुल्क प्रदान गरिने गरिएको छ भने परामर्श सेवा पनि दिने गरिएको छ । 

 

शिविरमा सेवा दिइरहेका सहिद ढुंगानाका नाति आशिष ढुंगानाले यसरी नगरका नागरिकलाई सेवा गर्ने मौका मिल्दा अशेष आनन्दको अनुभूति भइरहेको प्रतिक्रिया जनाए । 

 

आजदेखि शुभारम्भ भएको शिविर भोलिसम्म चल्ने प्रतिष्ठानले जनाएको छ । प्रतिष्ठानले नगरका जनतालाई मौका लाभ उठाउन आग्रह समेत गरेको छ । 

Loading...
श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका | समाचारको लागि : +977-9854028045 मा फोन गर्नुहोस् ।
यो समाचारमा तपाईको विचार COMMENT गर्नुहोस्
Loading...