• २०७६ असार ४ गते, बुधबार
०२:५२ pm

काठमाडौंमा मधेशी मूलका युवक उपर सांघातिक आक्रमण

प्रहरीले वास्ता नगरको परिवारजनको दुखेसो छ ।

न्यूज ब्यूरो, जनकपुरधाम । काठमाडौंमा एक युवा उपर सांघातिक आक्रमण भएको छ । काठमाडौंमा पसल सँचालन गर्दै आएका मधेशी मूलका एक युवक उपर सांघातिक आक्रमण भएको हो ।

 

काठमाडौंको बसुन्धारास्थित पसल थापेर बस्दै आएका महोत्तरीको महोत्तरी गाउँपालिका–१ पर्साका अन्दाजी २८ वर्षीय हरिराम यादवलाई अज्ञात ३ जनाको युवाहरुको एक समूहले रड प्रहार गरेर ज्यानै लिने प्रयास गरेका छन् ।

 

शुक्रवार राती करिब ९ बजेतिर पसल बन्द गरेर डेरा जाने क्रममा उनी उपर ज्यानलेवा हमला भएको उनका आफन्त जासर यादवले बताए ।

 

रड प्रहारबाट यादवको टाउको फुटेको छ भने टाउकोमा आठ वटा टाका लगाइएको छ । आक्रमण पछि तत्कालै उनको उद्धार गरेर काठमाडौंस्थित बिपी स्मृति अस्पतालमा लगिएको थियो । अस्पतालले आवश्यक उपचार गरेर बेड रेस्टका लागि उनलाई आज डिस्चार्ज गरेको छ ।

 

यादवको तत्कालै उद्धार भएपछि उनी बाँचे । तर, प्रहरीले दोषीलाई समाउन चाँसो नलिएको उनको आफन्तले दुखेसो पाखेका छन् । प्रहरीले वास्ता नगरेको परिवारजनको दुखेसो छ ।

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
प्रतिकृया दिनुहोस