• २०७६ असोज ६ गते, सोमबार

जनकपुरीयन युवकद्धारा काठमान्डौंकी किशोरीलाई ६ दिनसम्म बन्धक बनाएर बलात्कार !

फ्रेण्ड रिक्वेस्टपछि साथी बनेका दुवै जनाबीच कुराकानी सुरु भएको थियो । 

साँकेतिक तस्विर


न्यूज ब्यूरो, जनकपुरधाम । फेसबुक मार्फत साथी बनेर जनकपुरका एक युवकले काठमान्डौंकी एक किशोरीलाई बन्धक बनाएर बलात्कार गरेका छन् । 


जनकपुरधाम उपमहानगरपालिका वडा नं. २ शिवचोक बस्ने अन्दाजी बर्ष २५ का उत्सव गुप्ताले ललितपुर जिल्ला (काठमान्डौं) बस्ने एक १५ बर्षिय किशोरीलाई ६ दिनसम्म बन्धक बनाएर बलात्कार गरेको रहस्य बाहिरिएको हो । फेसबुक मार्फत नै उनीहरु सम्पर्कमा आएका थिएभने उत्सवले ती किशोरीलाई विभिन्न प्रलोभन दिएर फकाएका थिए । 

 

फेसबुक मार्फत नै उनीहरुबीच सम्पर्क भएपछि एक दिन ती किशोरीलाई उत्सवले भेटन बोलाएको र भेटन आएपछि उनलाई आफ्नो मोटरसाईकलमा राखेर अपहरण गर्दै गुप्ता लगातार ६ दिनसम्म बन्धक बनाएर बलात्कार गरेको महानगरीय प्रहरी वृत सातदोबाटो ललितपुरले जनाएको छ । 


किशोरी बेपत्ता भएपछि प्रहरीले खोजविन सुरु गरेका थिए । गुप्ताले प्रहरी खोज्न थालेको खबर पाएपछि युवतीलाई महालक्ष्मी स्थानमा छाडेर फारर छन् । गुप्ताको खोजी भइरहेको प्रहरीले जनाएको छ ।

 

महानगरीय प्रहरी वृत सातदोबाटोका डीएसपी गौतम मिश्रले सोमबार बालिका अपहरण तथा करणीको उक्त घटनाबारे महालक्ष्मी मावि नखिपोटको ९ कक्षामा अध्ययनरत विद्यार्थीलाई सुनाएका थिए । दुई महिनाअघि किशोरीलाई गुप्ताले फेसबुकमा फ्रेन्ड रिक्वेस्ट पठाएका थिए ।


फ्रेण्ड रिक्वेस्टपछि साथी बनेका दुवै जनाबीच कुराकानी सुरु भएको थियो । 

Loading...
श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका | समाचारको लागि : +977-9854028045 मा फोन गर्नुहोस् ।
यो समाचारमा तपाईको विचार COMMENT गर्नुहोस्
Loading...