• २०७६ असार ४ गते, बुधबार
०३:०० pm

धनुषाको महेन्द्रनगरमा 'निरहुआ' र 'आम्रपाली' दुबे सहित दर्जनौ सुपरस्टार आउँदै 

गत वर्ष समेत होलीको अवसरमा जनकपुरको तिरहुतिया गाछीमा निरहुआ, आम्रपाली र सीमा सिँहले जनकपुरवासीलाई झुमाएका थिए । 


न्यूज ब्यूरो, जनकपुरधाम । धनुषाको महेन्द्रनगरमा आयोजना हुन लागेको क्षीरेश्वर साँस्कृतिक कार्यक्रमको लागि भोजपुरी सिने जगतका स्टारहरु महेन्द्रनगर आउने भएको छ । 


धनुषाको क्षीरेश्वरनाथ नगरपालिका वडा नं. ५ महेन्द्रनग स्थित आउँदो जेठ २५ गते आयोजना गरिएको क्षीरेश्वर साँस्कृतिक कार्यक्रमको लागि भोजपुरी सिने जगतका सुपरस्टार दिनेशलाल यादव (निरहुआ) , नायिका आम्रपाली दुबे, निशा दुबे, चाँदनी सिँह, अभिनेत्री जोया, नेपाली गायक सुजन तिमिल्सीना, गायक राधा मोरिया र अनिल यादवले महेन्द्रनगर तताउने भएको छ । 


महेन्द्रनगर स्थित रहेको होटल मिथिला दरबारको आयोजनामा हुने भनिएको साँस्कृतिक कार्यक्रमको तयारी युद्धस्तरमा चलिरहेको आयोजक समितिले जनाएको छ । जेठ २५ गतेका दिन दिउँसो १२ बजेदेखि नै साँस्कृतिक कार्यक्रम सुरु हुने आयोजकले जनाएका छन् भने उक्त कार्यक्रमका प्रवेशको लागि १ हजार र १५ सय रुपैयाँको टिकट दर समेत तोकिएको छ । 

 


टिकटको लागि महेन्द्रनगर, बटेश्वर र ढल्केवरमा स्थान तोकिएको हो । महेन्द्रनगरको लागि होटल मिथिला दरबार र दुधमति एफएम, बटेश्वरको लागि अजय पान भण्डार र सुनिल ईलेक्ट्रोनिक्स तथा ढल्केवरको लागि विवेक हार्डवेयर स्टोर्स तोकिएको हो । 


गत वर्ष समेत होलीको अवसरमा जनकपुरको तिरहुतिया गाछीमा निरहुआ, आम्रपाली र सीमा सिँहले जनकपुरवासीलाई झुमाएका थिए । 

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
प्रतिकृया दिनुहोस