• २०७६ जेठ १३ गते, सोमबार
०६:४९ pm

विवाहपँचमीपछि पुनः जनकपुर आउँदै राष्ट्रपति भण्डारी , सुरक्षा चुस्त !

त्यो भ्रमणलाई तत्कालिन आन्दोलनकारीहरुले विरोध गर्दा दिनभरि जानकी मन्दिरको स्थिति तनावग्रस्त बनेको थियो ।


न्यूज ब्यूरो, जनकपुरधाम ।  राष्ट्रपति विद्या देवी भण्डारी आज जनकपुर आउने भएकी छन् ।


जानकी नवमीको अवसरमा राष्ट्रपति भण्डारी आज (सोमवार) बिहान करिब ९ बजे जनकपुरधाम आईपुग्ने कार्यक्रम तय भएको जनाइएको छ । राष्ट्रपति भण्डारी हेलिकोप्टरबाट संघिय प्रहरी ईकाई कार्यालयमा अवतरण गर्ने जनाइएको छ । त्यसपछि उनी सोझै जानकी मन्दिरमा पुगेर पुजा गर्ने कार्यक्रम रहेको छ ।

 

मन्दिरमा भगवानको पुजापछि उनी केहि बेर मन्दिरको भित्री परिसरमा मन्दिरका महन्थ रामतपेश्वर दास वैष्णव र उत्तराधिकारी महन्थ रामरोशन दास वैष्णवले मन्दिर, जानकी नवमी लगायतका विषयमा जानकारी गराउने छन् । प्रसाद ग्रहणपछि राष्ट्रपति भण्डारी बाहिरको परिसरमा आयोजित समारोहमा सम्मान र सम्बोधन गर्ने कार्यक्रम छ ।


राष्ट्रपति भण्डारी बिहान करिब ११ः३० बजे राजधानी फर्किने बताईएको छ ।  १२ बजे मन्दिरमा विशेष पुजा आरतीको कार्यक्रम रहेको र त्यसमा भारत र नेपालका विभिन्न स्थानहरुबाट आएका सन्तमहन्थहरुको सहभागिता रहने उत्तराधिकारी महन्थ रामरोशन दासले जनाए ।


राष्ट्रपति आउने मार्गको सफाई जनकपुरधाम उपमहानगरपालिकाले राती नै प्रारम्भ गरेकोछ । सुरक्षाको कडा व्यवस्था गरिएको छ ।आईतवार राती मन्दिर भित्र र बाहिरको परिसरमा सुरक्षाकर्मीहरुको बाक्लो उपस्थिति रहेको छ ।


२०७४ सालको रामजानकी विवाहमहोत्सवमा पहिलो पटक राष्ट्रपति भण्डारी जानकी मन्दिर आएकी थिईन् । त्यो भ्रमणलाई तत्कालिन आन्दोलनकारीहरुले विरोध गर्दा दिनभरि जानकी मन्दिरको स्थिति तनावग्रस्त बनेको थियो ।

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
प्रतिकृया दिनुहोस