• २०७६ बैशाख ६ गते, शुक्रबार
०२:५५ am

सलहेश मेलाका श्रद्धालुहरुलाई जनमत पार्टीको 'निःशुल्क खानेपानी'

सलहेश बाबाको मन्दिरमा दर्शन गर्न आसपासका गाउँबाट हजारौंको सँख्यामा श्रद्धालुहरु ओर्लने गर्छन् । 

न्यूज ब्यूरो, सिरहा । मधेशको शितलताको पर्व जुडशितलको अवसरमा सिरहाको मिर्चैयामा लाग्ने सलहेश मेला भर्न आएका श्रद्धालुहरुका लागि जनमत पार्टी सिरहाले निःशुल्क खानेपानीको व्यवस्था गरेको छ ।

 

मिर्चैयामा आयोजित सलहेश मेला हेर्नका लागि आएका श्रद्धालुगणहरुलाई सहजताको दृष्टिकोण तथा सेवाको भावले मेला स्थल सहलेश चोकमै खानेपानी सहित जनमत पार्टीका कार्यकर्ताहरु सेवामा जुटेका हुन् ।

 

कुनै प्रकारको शूल्क नलिईकनै खानेपानी लिएर सेवामा जेटेका जनमत पार्टीका स्वमँसेवकहरुले मेलामा आएका श्रद्धालुहरुलाई आग्रह गर्दै पानी ग्रहण गराइने गरेका छन् । उनीहरुले तिर्खाएका बखत पानी ग्रहण गर्न श्रद्धालुहरुलाई आग्रह गरेका छन् । 

 

खानेपानी शिविरका लागि चाहिने आवश्यक पानी मिर्चैयाको यूनिक गिफ्ट सेन्टर एण्ड ईलेक्ट्रोनिक्सका सँचालक सुमेश साह र आरुषी फेन्सी एण्ड जेनरल स्टोर्सका सँचालक अरुण सहनीले सहयोग गरेको जनमत पार्टीका नेता रुकेश साहले जानकारी दिए ।

 

तराई मधेशको विभिन्न क्षेत्रमा परम्परागत रुपमा मनाईदै आइएको जुडशितल पर्वको अवसर पारेर मिर्चैयामा दशकौंदेखि सलहेश मेला आयोेजन हुँदै आएको छ । मिर्चैयास्थित सलहेश चोकमा रहेको सलहेश बाबाको मन्दिरमा दर्शन गर्न जुडशितलको दिन लाग्ने मेलामा आसपासका गाउँबाट हजारौंको सँख्यामा श्रद्धालुहरु ओर्लने गर्छन् । 

 

यो मेला अन्य वर्ष एकदिनको लागि मात्र आयोजन हुने गरिएपनि यस वर्ष भने २ दिनसम्म चल्नेछ । 

 

श्रद्धालुहरुको सेवाका लागि जनमत पार्टीले चलाएको खानेपानी शिविर मेला समाप्तिसम्म चल्ने साहले जनाए ।


 

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

बिनय यादव, सिरहा

सिरहा, ब्यूरो प्रमुख

प्रदेश नं. २, सिरहा – नेपाल

“बिनय यादव” न्यूज ब्यूरोका सिरहा जिल्ला प्रतिनिधि सहित सिरहा ब्यूरो प्रमुख समेत हुन् । उहाँ पूर्वाञ्चलको अन्य जिल्लाको पनि समाचार सम्पादन गर्नुहुन्छ । मोबाईल नं. +९७७९८६९०६७६९४, ९८१५७४५३९१ | Email : [email protected] | उहाँलाई समाजिक सञ्जाल फेसबूक र ट्वीटरमा पनि भेट्न सकिन्छ ।

प्रतिकृया दिनुहोस