• २०७६ असार ४ गते, बुधबार
०३:०५ pm

'सांसद, मन्त्री बन्न होईन, मधेशी जनताका लागि राजनीतिमा आएको हुँ': डा. सिके राउत

डा. राउतले मधेशको नाममा दलाली गर्नेहरुलाई मधेशी जनताले नै परास्त गर्ने बताउँदै मधेशमा अब जनताको राज कायम हुने बताए ।

न्यूज ब्यूरो, सिरहा । जनमत पार्टीका अध्यक्ष डा. सिके राउतले आफू कसैको अगाडि पनि नझुकेको र पछि नहटेको प्रष्ट्याएका छन् । शनिवार सिरहाको मिर्चैयामा जनमत पार्टीद्धारा आयोजित विशाल जनसभालाई सम्बोधन गर्दै उनले सरकारसँग गरेको सम्झौता स्वराज आन्दोलनको ठूलो उपलब्धि भएको बताएका छन् ।

 

डा. राउतले सरकारसँग गरेको ११ बुँदे सम्झौता साधारण र अचानक नभएको बताउँदै अथक र अहोरात्रको लामो प्रयास पश्चात् मात्र सम्भव भएको खुलाए । उनले ११ बुँदे सहमतिबाट मधेशी जनताको हकमा ठूलो सफलता प्राप्त गरेको दावी गरेका छन् ।

 

स्वराज आन्दोलनलाई मूर्तरुप दिन सरकारसँग सहमति गरेर मूलधारको राजनीतिमा आएपछि मधेशको नाममा भजाएर खानेहरुको पसल बन्द हुने भन्दै उनीहरुले सहमतिबारे भ्रम फिजाएको आरोप लगाए । 

 

 

डा. राउतले आफूलाई सांसद, मन्त्री बन्ने कुनै चाहना नभएको बताउँदै मधेशी जनतालाई सधैं ठगेर प्रयोग मात्र गरिने फैलिएको गन्दगीलाई सफा गर्न राजनीतिमा आएको जनाए । उनले भने, ‘म सांसद, मन्त्री बन्न राजनीतिमा आएको हाईन, राजनीतिमा फैलिएको गन्दगीलाई सफा गर्न आएको हुँ, मधेशको नाम उच्च गर्न राजनीतिमा आएको हुँ ।’

 

मधेशको लागि कुनै नेता जेल नबसेको र आफू मधेशकै लागि लामो समय हिरासतमा बसेको भन्दै उनले मधेशको नाममा गोली चलेपनि पहिलो गोली आफू नै खान तयार रहेको बताए । डा. राउतले आफू मधेश र मधेशीको लागि कहिले एक कदम पनि पछि नहटेको र नहट्ने समेत प्रतिवद्धता गरे ।

 

सरकारसँग सहमति गरेपछि स्वाराज आन्दोलनलाई अब खुलेर अगाडि बढाउन मिल्ने र त्यसका लागि जनताको साथको अपेक्षा गरे । उनले स्वराज कायम गर्नको लागि जनता विना हुन नसक्ने भन्दै जनमतका लागि सबैलाई आह्वान गरे । मधेशी जनताको चाहना र जनमतकै आधारमा आफू अघि बढ्ने उनले बताए ।

 

डा. राउतले मधेशको नाममा दलाली गर्नेहरुलाई मधेशी जनताले नै परास्त गर्ने बताउँदै मधेशमा अब जनताको राज कायम हुने र त्यो जनताको जनमतबाट ‘जनमत पार्टी’ले गर्ने बताए । 

 

जनमत पार्टीले स्वतन्त्र मधेश गठबन्धनको लक्ष्य अनुसार सबभन्दा पहिले १० लाख मधेशीलाई रोजगारी दिलाउने प्रतिवद्धता समेत उनले गरे । उनले मधेशमा बाहिरबाट आएर जग्गा कब्जा गर्ने प्रवृत्तिको जनमत पार्टीले अन्त्य गर्ने बताउँदै मधेशको मूभीमा मधेशी भूमिपुत्रकै अधिकार हुने ठोकुवा गरे ।

 

 

जनमत पार्टीका केन्द्रिय नेता सुदिप राज कुशवाहाले ११ बुँदे सहमतिबारे प्रष्ट्याउँदै मधेशी जनतालाई झुक्याएर, ठगेर सधैं आफ्नो स्वार्थमा विलिन रहेका नेताहरुलाई सरकारसँगको सम्झौताबाट बढी तखलिफ पुगेको र उनीहरुको पसल अब बन्द हुने भएपछि विभिन्न भ्रमहरु फिजाएको प्रष्ट्याए ।

 

जनमत पार्टी गठनपछि पहिलो पटक भएको जनसभामा हजारौं–हजारको सँख्यामा उनका समर्थकहरु सहभागी थिए । कार्यक्रमलाई सुरक्षा व्यवस्थाको दृष्टिकोणले दुरुस्त बनाउन राउतको आफ्नै सुरक्षागार्ड तथा स्वयँसेवकहरुले सुरक्षा दिएका थिए भने प्रहरीले सुरक्षामा तैनाथ थिए ।

 

कार्यक्रममा जनमत पार्टीका उल्लेख्य केन्द्रिय नेताहरु सहभागी थिए ।
 

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

बिनय यादव, सिरहा

(ब्यूरो प्रमुख)

प्रदेश नं. २, सिरहा – नेपाल

“बिनय यादव” न्यूज ब्यूरोका सिरहा जिल्ला प्रतिनिधि सहित ब्यूरो प्रमुख समेत हुन् । उहाँ प्रदेश २ लगायत देशभरिकै सरोकारगत समाचार सम्पादन गर्नुहुन्छ । मोबाईल नं. +९७७९८६९०६७६९४, ९८१५७४५३९१ | Email : [email protected] | उहाँलाई समाजिक सञ्जाल फेसबूक र ट्वीटरमा पनि भेट्न सकिन्छ ।

प्रतिकृया दिनुहोस