• २०७६ असोज ६ गते, सोमबार

पब्जीको लागि नयाँ शिराबाट सोच्दैछौँ : सिआईबी 

सिआईबीले भिपिएन प्रयोग गर्ने प्रयोगकर्ता उपर पनि कडा निगरानीको लागि पहल थालिएको प्रतिक्रिया दिएका छन् ।

Photo : Google.com


न्यूज ब्यूरो, जनकपुरधाम । नेपाल प्रहरीको केन्द्रीय अनुसन्धान ब्यूरो (सिआईबी- CIB - Central Investigation Bureau ) ले नेपालमा पब्जी गेममा प्रतिबन्ध लगाएपनि भिपिएनबाट चलाउने सम्भावना बढेको भन्दै नयाँ शिराबाट सोच्न थालेको जनाएका छन् ।

 

विहिबार न्यूज ब्यूरोसँग कुराकानी गर्दै केन्द्रीय अनुसन्धान ब्यूरो (सिआईबी) का एक प्रतिनीधिले पब्जी गेम नेपालमा बन्द गरेपनि प्रयोगकर्ताहरुले नयाँ नयाँ हतकण्डा अपनाउन सक्ने जनाउँदै यसलाई पनि निराकरणको लागि उपाय खोजिरहेको तथा अर्को बैठकमा यसको पनि समाधान निकालिने जनाए । 

 

विहिबार नेपालमा पब्जी गेममा प्रतिबन्ध लगाएपछि त्यो गेमका एडिक्ट बनेका बालबालिकाहरुले समाजिक सञ्जालमै आफूहरु कसरी खेल्ने भन्ने उपाय बारे टिकाटिप्पणी गर्न थालेका छन् । कम उमेरका बालबालिकाहरु पब्जी गेमको लत्तमा फँसेको देखिएको छ । उनीहरु इन्टरनेट मार्फत चल्ने पब्जी पिसी र पब्जी मोबाईल भर्सन अब कसरी चलाउने भन्ने बारे खोलेका छन् ।

 

उनीहरुले समाजिक सञ्जालमै आफूहरु भिपिएन प्रयोग गरेर पब्जी खेल्ने भन्ने प्रतिक्रिया दिएका छन् । हालाकी भिपिएन प्रयोग गर्दा व्यक्ति डाटाहरु लिक हुने सम्भावना बढी हुन्छन् भने गोपनीयता समेत भंग हुने सम्भावना उत्तिकै हुन्छन् । कम्प्युटर वा मोबाईलमा भएको डाटा अर्को देशबाट चलाइने भिपिएनबाट चोर्ने सम्भावना प्रबल हुन्छ । 

 

सिआईबीले भिपिएन प्रयोग गर्ने प्रयोगकर्ता उपर पनि कडा निगरानीको लागि पहल थालिएको प्रतिक्रिया दिएका छन् । नेपालमा स्कूले बालबालिकाहरु यो गेममा बढी एडिक्ट भएको देखिएको छ भने मानसिक सन्तुलन समेत समान्य नभएको पाइएको छ । 

 

यस्तोमा बालबालिकाहरुलाई ट्रयाकमा ल्याउन अभिभावकले महत्वपूर्ण भूमिका निर्वाह गर्नुपर्ने आवश्यकता देखिएको छ ।  

Loading...
श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका | समाचारको लागि : +977-9854028045 मा फोन गर्नुहोस् ।
यो समाचारमा तपाईको विचार COMMENT गर्नुहोस्
Loading...