• २०७६ बैशाख ६ गते, शुक्रबार
०३:०१ am

तेस्रो मनमोहन दुहबी गोल्डकप उपर दाफिन्स क्लबको कब्जा

सर्वोत्कष्ट खेलाडी सन्तोस तामाङले २५ हजार नगद र ३२ इन्च एलइडि टिभि प्राप्त गरे ।


न्यूज ब्यूरो, सुनसरी ।  सुनसरीको दुहवीमा जारि तेस्रो मनमोहन दुहबी गोल्डकप फुटबलको उपाधि दाफिन्स क्लब क्यामरुनले जितेको छ । 


शनिबार भएको फाइनल खेलमा त्रिभुवन आर्मी क्लब काठमांडौलाई सड एण्ड डेथ टाइममा पराजित गर्दै उपाधि जितेको हो । उपाधिसंगै दाफिन्स क्लब क्यामरुनले नगद ६ लाख रुपैया प्राप्त गर्यो । 


त्रिभुवन आर्मी क्लब काठमांडौले ३ लाख रुपैयामा चित्त बुझाउनु पर्यो । फाइनल खेलमा मध्यान्तर अघि र मध्यान्तर पछि दुवै तर्फबाट प्रतिस्प्रधात्मक खेल भएपनि वरावरी भएको थियो ।

 

निर्धारित समय सम्म दुवै पक्षबाट गोल न भएपछि टाइब्रेकरको साहारा लिइएको थियो । टाइब्रेकरमा समेत वरावरी भएपछि सड एण्ड डेथ टाइममा त्रिभुवन आर्मीका जर्सी नम्वर ३३ विकास खवास गोल गर्नबाट चुकेपछि दाफिन्स क्लब क्यामरुनले उपाधि हात पारेको हो । 


उपाधि विजेता टिमलाई गोल्डकप समापन कार्यक्रमका प्रमुख अतिथि दुहवी नगरपालिकाका मेयर बेदनारायण गच्छदारलेले नगद, ट्रफी र प्रमाणपत्र वितरण गरेका थिए । त्रिभुवन आर्मी क्लब काठमांडौका जर्सी नम्वर २ सुमन आर्याल खेलको म्यान अफ द म्याच घोषित भए ।


 उनलाइ पुरस्कार स्वरुप नगद १० हजार तथा मेडल प्रदान गरिएको थियो । प्रतियोगिता अवधिभरका विभिन्न उत्कुष्ट विधा तर्फका खेलाडीहरुलाइ समेत पुरस्कृत गरिएको थियो । यस्तै उत्कृष्ट डिफेण्डरमा त्रिभुवन
आर्मीका विकास खवास घोषित भए ।


उत्कृष्ट मीडफिण्डरमा दाफिन्स फुटबल क्लब क्यामरुनका ओनगुन जुनियर,उत्कृष्ट फर्वाड आर्मीका भरत खवास, सर्वा्धिक गोलकर्ताको पुरस्कार आर्मीका टेक बाहादुर बुढाथोकी तथा सर्वोत्कृष्ट खेलाडी आर्मीका सन्तोस तामाङ घोषित भए । 

 

विद्यागत उपाधि विजेता खेलाडीले जनही नगद १५ हजार मेडल प्राप्त गरे भने । सर्वोत्कष्ट खेलाडी सन्तोस तामाङले २५ हजार नगद र ३२ इन्च एलइडि टिभि प्राप्त गरे ।

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
प्रतिकृया दिनुहोस