• २०७६ असार १० गते, मंगलबार
११:१८ pm

महोत्तरीमा युवतिको लास, बलात्कार गरी हत्या गरी फालिएको अनुमान !

अहिले घटनास्थलमा प्रहरीको टोली पुग्न लागेको जनाइएको छ । 


न्यूज ब्यूरो, जलेश्वर । महोत्तरीमा एक यूवतिको लास फेला परेको छ ।  महोत्तरीको सोनमा गाउँपालिका २ सिंहासनी जानेबाटोको पूर्व राहर खेतमामा हत्या गरेको अवस्थामा आज (शुक्रबार) दिउँसो शव फेला परेको हो । 


सनाखत हुन नसकेकी अन्दाजी २१ वर्षकी ती युवतीको घाँटीमा नील डाम देखिएकाले कसैले बलात्कार गरी हत्या गरेको हुन सक्ने स्थानीयको आशंका छ । दुईदिन अघि ती युवतीको हत्या भएको हुन सक्ने प्रहरीको आशंका छ ।


राहर खेतमा स्थानीयहरु घाँसको लागि जाँदा युवतिको लास देखेपछि तत्कालै स्थानीयहरुले प्रहरीलाई खवर गरेको थियो । अहिले जिल्ला प्रहरी कार्यालय महोत्तरीबाट प्रहरीको अनुसन्धान टोली घटनास्थल जान लागेको जनाइएको छ । यस घटना बारे थप विवरण आउन बाँकी छ । 

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
प्रतिकृया दिनुहोस