• २०७६ बैशाख ६ गते, शुक्रबार
०२:०४ am

ऐतिहासिक धनुषाधामको धनुष मन्दिरमा राखिएको दानपेटी चोरी !

मन्दिरबाट आपरुपी निस्कने सिमेन्ट जस्तो तत्व त्यहाँको लागि चमत्कारीक मानिएको छ ।


न्यूज ब्यूरो, धनुषा । ऐतिहासिक, धार्मिक एवम् पर्यटकीय स्थलको रुपमा परिचित धनुषाको धनुषाधाम स्थित रहेको धनुष मन्दिरको दानपेटी चोरी भएको छ । 

 

विहिबार साँझ करिब ७ बजेको समयमा धनुष मन्दिरमा राखिएको दानपेटी चोरी भएको मन्दिरका पूजारी भरत बाबाले जानकारी दिएका छन् । बाबाका अनुसार विहिबार साँझै केही युवकहरुले कानेखुसी गर्दै गरेको देखिएपनि दानपेटी चोरी भएको घटना विहानै मात्र थाहा पाएको छ । 

 

विहान पूजाआजा एवम् आरती गर्ने बेलामा मन्दिरको ढोका खोल्दा धनुष मन्दिरमा राखिएको दानपेटी पूजारी बाबाले नदेखेपछि न्यूज ब्यूरोलाई जानकारी गराएको थियो । त्यही स्थित रहेको ईलाका प्रहरी कार्यालय धनुषाधामले समेत यस घटनाबारे अनभिज्ञता जनाउँदै यस्ता कार्य गर्नेलाई कारवाही गरिने जनाए ।

 

सो क्रममा नगरपालिका प्रमुख बालेश्वर मण्डलले ऐतिहासिक र धरोहरको रुपमा सँचित धनुष मन्दिरको दानपेटी चोरी गरेर आम सर्वसाधारणको आस्थामा ठेस पुरयाएको प्रतिक्रिया दिएका छन् । उनले दानपेटी चोरी गर्नमा स्थानीय केही उच्छृंगल गतिविधि गर्नेहरुको हात हुन सक्ने बताउँदै त्यस्ता व्यक्तिलाई हामी प्रहरीको सहायतमा कानुन र समाजको दायरमा ल्याउने प्रतिवद्धता जाहेर गरे । 

 

धनुषाधाम स्थित अवस्थित धनुष मन्दिर ऐतिहासिक मानिएको छ । विभिन्न छाला रोग जस्तै मुसो रोग, अ‍ैल्हा भएमा भाँटाको भार चढाएपछि रोग निको हुने जनविश्वास रहिआएको छ । मन्दिरबाट आपरुपी निस्कने सिमेन्ट जस्तो तत्व त्यहाँको लागि चमत्कारीक मानिएको छ । प्रत्येक वर्ष माघ महिनाभरि नै मकर मेला त्यही मन्दिरको लागि लगाइन्छ । 

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
प्रतिकृया दिनुहोस