• २०७६ बैशाख ६ गते, शुक्रबार
०२:२३ am

आँधी पीडितलाई कत्तारबाट मधेशी यूवाको सहयोग

एकअर्काको सहयोग नै आनन्दमयी जीवन भएको भन्दै सक्दो सहयोग गर्न सदैव तत्पर रहेको जनाए । 

न्यूज ब्यूरो, जनकपुरधाम । बारा–पर्सामा गत १७ गते राती आएको विनाशकरी आँधीका पीडितलाई खाडीमा रहेका मधेशी यूवाहरुले आर्थिक सहयोग प्रदान गरेको छ । कत्तारको ‘अल–मुफ्ताह ग्रुप’ नामक कम्पनीमा कार्यरत मधेशी मूलका नेपाली यूवाहरुले आँधी पीडितलाई २९ हजार ७ सय ९० रुपैयाँ सहयोग गरेको हो । 

 

रोजगारीको शिलशिलामा कत्तारस्थित अल–मुफ्ताह ग्रुप कम्पनीमा कार्यरत सप्तरी निवासी रामेश्वर साहको नेतृत्वमा सँकलन गरिएको उक्त सहयोगार्थ रकम रेमिटान्स मार्फत् बारा पठाइएको छ ।

 

आँधी पीडितका लागि सप्तरी निवासी रामेश्वर साह, महोत्तरीका फेकन मुखिया, सँजय मन्डल, झापाका धनकुमार कोइराला, धनुषाका रोहित सदा, बिजय पासवान, अरुण सदालगायतले रकम सहयोग गरेका हुन् । 

 

मधेश विपदमा परेका बेला आफूहरु देश बाहिर रहेपनि मधेशको साथमै रहेको आभाष दिलाउन मानवताको हैसियतले सहयोग गरेको मधेशी यूवा रामेश्वर साहले न्यूज ब्यूरोसँग भने । 

 

उनीहरुले एकअर्काको सहयोग नै आनन्दमयी जीवन भएको भन्दै सक्दो सहयोग गर्न सदैव तत्पर रहेको जनाए । 
 

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
प्रतिकृया दिनुहोस