• २०७६ असार १० गते, मंगलबार
११:१८ pm

बारा घटना : 'विद्यार्थी जनमत सँघ' रक्तदान कार्यक्रम गर्दै, सहभागिताको अपील

रक्तदान कार्यक्रममा मानवताको हैसियतले रक्तदान गरी घाईतेहरुको जीवन रक्षा गरिदिन अपील गरेको छ ।

न्यूज ब्यूरो, सिरहा । मधेशको जिल्लामा गएराति आएको भीषण हावाहुरीका कारण भएको ठूलो जनधनको क्षतिप्रति गहिरो दुःख व्यक्त गर्दै विद्यार्थी जनमत सँघ सिरहाले रक्तदान कार्यक्रम मार्फत् रक्त सँकलन गर्ने भएको छ । 

 

बारा र पर्सामा राति गएको आँधीवेहरीमा परी घाईते भएकाहरुको उपचारका लागि रगत अभाव भएपछि विद्यार्थी जनमत सँघ सिरहाले रक्त सँकलन गर्ने भएको हो । सँघले नेपाल रेडक्रस सोसाईटीको सहकार्यमा सिरहाको लहानस्थित जेएस मुरारका क्याम्पसमा आज १२ बजेदेखि गर्न लागेको रक्तदान कार्यक्रममा मानवताको हैसियतले रक्तदान गरी घाईतेहरुको जीवन रक्षा गरिदिन अपील गरेको छ ।

 

उपचाररतहरुका लागि अस्पताललाई एकैचोटी धेरै रगत आवश्यक पर्दा रगत अभाव भएको जनाइएको छ । उनीहरुका लागि मधेशका विभिन्न स्थानबाट राहत तथा रक्त सँकलन कार्य जारी राखिएको छ । 

 

उक्त दैवीक प्रकोपमा परी घाईते ५०० बढी सर्वसाधारणहरु विभिन्न स्थानका हस्पिटलहरुमा उपचार जारी रहेको छ भने उनीहरुका लागि अस्पतालमा विभिन्न समूहका रक्तको अभाव भएको हो ।

 

आईतवार साँझ बारा र पर्सामा असिना पानीसँगै आएको भीषण हावाहुरीले अहिलेसम्म ३७ जनाभन्दा बढीको ज्यान गइसकेको छ भने ५ सयभन्दा बढी घाईते भएका छन् ।
 

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

बिनय यादव

(ब्यूरो प्रमुख)

प्रदेश नं. २, सिरहा – नेपाल

“बिनय यादव” न्यूज ब्यूरोका सिरहा जिल्ला प्रतिनिधि सहित ब्यूरो प्रमुख समेत हुन् । उहाँ प्रदेश २ लगायत देशभरिकै सरोकारगत समाचार सम्पादन गर्नुहुन्छ । मोबाईल नं. +९७७९८६९०६७६९४, ९८१५७४५३९१ | Email : [email protected] | उहाँलाई समाजिक सञ्जाल फेसबूक र ट्वीटरमा पनि भेट्न सकिन्छ ।

प्रतिकृया दिनुहोस