SEE : परिक्षा अगावै नेपाली विषयको प्रश्नपत्र (Question) आउट !
उनले प्रश्नपत्र आउट भएको बारे बुझेर भन्ने प्रतिक्रिया दिए ।
२०७५ चैत ११ सोमबार, बिहान ८:५५ बजे१ मिनेट पढाइ
न्यूज ब्यूरो, जनकपुरधाम । आईतबारदेखि सुरु भएको एसईई परीक्षाको दोस्रो दिन आज नेपाली विषयको प्रश्नपत्र परीक्षा अगावै बाहिरिएको हो ।
प्रदेश नं. २ को रौतहट जिल्लामा एक परीक्षा केन्द्रबाट परीक्षा सुरु हुनु अगावै परीक्षाकेन्द्रबाट नेपाली विषयको प्रश्नपत्र आउट भएको हो । रौतहटको कटहरिया नगरपालिका वडा नं. १ स्थित रहेको श्री माध्यमिक विद्यालय भसेदवा परीक्षा केन्द्रबाट प्रश्नपत्र बाहिरिएको हो ।
विहान ८ बजेदेखि विधिवत सुरु हुने एसईई परीक्षाको दोस्रो दिन परीक्षा सुरु हुनु अगावै मोबाइल मार्फत प्रश्नपत्र बाहिर आएको न्यूज ब्यूरो सहकर्मी राकेश साहले बताएका छन् । उनले भने, रौतहटको भसेदवा परीक्षा केन्द्रमा आएका थियौँ । परीक्षा सुरु हुनुपूर्व देखि नै बाहिर प्रतिक्षामा रहेका अभिभावकहरुको मोबाईलमा प्रश्नपत्र देखियो । र त्यसैबेला देखि उत्तर खोजी हुनको लागि भीड बढदै गएको थियो ।
यता, परीक्षाकेन्द्रका सुपरिटेन्डेन्ट (केन्द्राध्यक्ष) चुल्हाई यादवले भने प्रश्नपत्र आउट बारे आफूलाई जानकारी नभएको प्रतिक्रिया दिए । उनले प्रश्नपत्र आउट भएको बारे बुझेर भन्ने प्रतिक्रिया दिए । अधिकांश परीक्षाकेन्द्रमा बाहिरबाट मर्यादितको ढोंग रचिएपनि भित्रैबाट सम्बन्धित विद्यालयसँगको सेटिंगमा चिट चोरी देखि लिएर काँपी बन्नेसम्मको कार्य हुँदै आएको देखिएको छ ।
कस्तो महसुस भयो ?
प्रतिक्रिया दिन साइन इन गर्नुहोस्
AI सारांश र अडियो स्वचालित रूपमा तयार गरिएको — सम्पादकीय निगरानीमा प्रकाशित।
टिप्पणी
आफ्नो विचार राख्न साइन इन गर्नुहोस्।
लोड हुँदै…