• २०७५ चैत ११ गते, सोमबार
०९:५९ am

प्रदेश साँसद यादवद्धारा पक्की समुदायिक भवन शिलान्यास 

आउँदो असार मसान्तभित्रै भवन निर्माण कार्य सम्पन्न हुने उनले दाबी समेत गरे ।


न्यूज ब्यूरो, जनकपुरधाम । प्रदेश नं. २ का प्रदेश साँसद एवम् समाजसेवी राम अशिष यादवले एक पक्की समुदायिक भवन केन्द्रको शिलान्यास गरेका छन् ।

 

जनकपुरधाम उपमहानगरपालिका वडा नं. १७ तेतरिया टोलमा साँसद यादवले एक कार्यक्रमबीच पक्की समुदायिक भवनको शिलान्यास गरेका हुन् । १० लाख रुपैयाँको लागतमा निर्माण हुने उक्त समुदायिक भवन निर्माणपछि स्थानीय सर्वसाधारणलाई प्रत्यक्ष फाईदा पुग्ने छ भने स्थानीय विद्यालयले खेप्दै आएको असहजता समेत निराकरण हुने विश्वास व्यक्त गरिएको छ । 

 

समाजसेवी श्रीफल यादवको अध्यक्षता तथा प्रदेश साँसद एवम् समाजसेवी यादवकै प्रमुख आतिथ्यमा सम्पन्न शिलान्यास कार्यक्रममा बोल्दै उनले भने, - "यो पक्की भवन निर्माण गर्न लागेका छौँ । मेरो सँसदीय बजेटबाट १० लाखको लागतमा पक्की समुदायिक भवन निर्माण गर्न लागेका छौँ । यसअघि तथा वर्तमानमा समेत स्थानीय विद्यालयमा बाहिरबाट बिहेमा आउने गरेका जन्ती (बाराती) व्यवस्थापनको लागि विद्यालय नै बन्द गर्नुपर्ने अवस्था सृजना हँुदै आएको थियो । यसैलाई मध्यनजर गर्दै मैले त्यही समुदायिक भवनको खाँचो महसुस गर्दै निर्माण गर्न लागेका छौँ ।" 

 

विद्यायक यादवले आफनो संसदीय कोषबाट उक्त पक्की समुदायिक भवन केन्द्र निर्माण गर्न लागेको भन्दै यसबाट स्थानीय सर्वसाधाण लाभान्वित हुने दाबी गरे । त्यहाँ स्थित सार्वजनिक जग्गामै उक्त भवन निर्माण गर्न लागिएको जनाउँदै आउँदो असार मसान्तभित्रै भवन निर्माण कार्य सम्पन्न हुने उनले दाबी समेत गरे । 

 

सो शिलान्यास कार्यक्रममा समाजसेवी जीवछ गुरमैता, फोरमको युवा नेता सँजय यादव, श्रीकिशोर यादव, राम नारायण कापर, समाजिक अभियन्ता अमित झा, संघीय विद्यार्थी फोरमका प्रदेश सचिव विकास यादव, युवा फोरमका जिल्ला अध्यक्ष दिपु कापर लगायको उपस्थिति रहेको थियो ।  

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

न्यूज ब्यूरो, डेस्क

सम्पादन कक्ष

प्रदेश नं. २, जनकपुरधाम - नेपाल

न्यूज ब्यूरो, डेस्क || विभिन्न जिल्लाहरुबाट आएका समाचारहरुलाई सम्पादन गरी पाठकवर्ग समक्ष साँझा गरिन्छ । मुख्य कार्यालय : प्रदेश नं. २, जनकपुरधाम–२, कदमचोक । फोन नं. +97741-420085, ईमेल ठेगाना – [email protected]

प्रतिकृया दिनुहोस