न्यूज ब्यूरो, सुनसरी । सुनसरीको दुहबीमा मनमोहन अन्तराष्ट्रिय गोल्डकप डोरीतान च्याम्पीयनसिप प्रतियोगिता हुँने भएको छ ।
सुनसरी जिल्ला डोरी तान संघको आयोजनामा दुहवी स्थित श्री सरस्वती माविको खेल मैदानमा फागुन १७ गते हुँने डोरीतान गोल्डकप प्रतियोगितामा नेपाल र भारतकागरि ८ ओटा टिमको सहभागिता रहँने छ । उक्त प्रतियोगितामा झापा, मोरङ, सुनसरी, नेपाली सेना, नेपाल प्रहरी, सशस्त्र प्रहरी बल, भारतको झारखण्ड र विहारका टिमहरु सहभागि हुँनेछन ।
मंगलवार दुहवीमा आयोजित पत्रकार सम्मेलनमा नेपाल डोरीतान संघका केन्द्रिय उपाध्यक्ष सुभासश्री पोखरेलले अन्तराष्ट्रिय डोरीतान गोल्डकप प्रतियोगिता नेपालमै पहिलो पटक आयोजना गर्न लागिएको जानकारी दिएका छन । केन्द्रिय उपाध्यक्ष सुवासश्री पोखरेलले खेल क्षेत्रमा दुहवी पनि एक समय उर्वराभुमि रहिसकेकाले दुहवीबाटै यो खेललाइ अन्तराष्ट्रिय स्तरमा पुर्याउने दाबी गरेका छन । प्रचार प्रसारको अभावमा ओझेल परेको यो खेललाइ अन्य खेलकुद जस्तै संरक्षण र प्रर्वधन गर्नुपर्नेमा उनले जोड दिए ।
२००७ सालमा नेपालमा स्थापना भएको डोरीतान संघ सक्रिय न भएपछि २०७४ सालमा पुन गठन गरिएको हो । अहिले नेपालभर २७ जिल्लामा डोरी तान संघ गठन भएको निकट भविश्यमा नेपालभर प्रदेश जिल्ला र स्थानिय तहमा विस्तार गरिनुका साथै चाँडैनै प्रदेश स्तरिय र एसियन गेमको अयोजना गरिने नेपाल डोरीतान संघका केन्द्रिय उपाध्यक्ष सुवासश्री पोखरेलले जनाए ।
पत्रकार सम्मेलनमा बोल्दै सुनसरी जिल्ला डोरी तान संघका उपाध्यक्ष रमेशबावु थापाले मोरङ डोरी तान संघको सहकार्य तथा दुहवी नगरपालिकाको संयोजनमा हुँने अन्तराष्ट्रिय डोरीतान गोल्डकप प्रतियोगितामा ६ लाख १५ हजार अनुमानित खर्च हुँने जानकारी दिएका छन । मनमोहन स्मृति प्रतिष्ठान र राष्ट्रिय खेलकुद परिषदको सहयोगमा हुँने सो प्रतियोगितामा प्रथम हुँने टिमलाइ नगद रु पचास हजार ट्रफी मेडल तथा प्रमाण पत्र र दोश्रो हुँने टिमलाइ नगद रु पचीस हजार ट्रफी मेडल तथा प्रमाण पत्र प्रदान गरिने उनले जानकारी दिए ।
सुनसरी जिल्ला डोरी तान संघले १ वर्ष अगाडी विद्यालय स्तरिय प्रतियोगिता गरिसकेको छ । बिश्वकै पूरातन खेल मध्येको एक डोरीतान खेलमा दुबै तर्फबाट ८–८ जना खेलाडी सहभागि हुन्छन । खेलको नियमअनुसार ८० फिटको डोरीलाइ दुबै तर्फबाट एक अर्काले तानेर आफ्नो तर्फ डोरी तान्न सफल हुँने खेलाडीहरुले जित हासिल गर्छन । खेलमा एकतर्फका ८ जना खेलाडीहरु ६०० केजि भन्दा बढि तौल हुँन न पाउँने नियम छ ।
नेपालमापनि यो खेलको प्रर्वधन गर्न राष्ट्रिय खेलकुद परिषदबाट मान्यता प्राप्त, टग अफ वार अन्तराष्ट्रिय माहासंघबाट सम्बन्धन प्राप्त नेपाल डोरीतान संघ गठन गरिएको हो । पत्रकार सम्मेलनमा मोरङ जिल्ला डोरी तान संघका उपाध्यक्ष अशोक कुमार चौधरी, सुनसरी जिल्ला डोरी तान संघका सचिव युवराज चौधरी, दुहवी डोरीतान संघका अध्यक्ष सन्तोष कुमार सिंह लगायतको उपस्थिति रहेको थियो।
मधेशका मुख्यमन्त्री यादवले चौथो पटक पाए विश्वासको मत
- २०७५ फाल्गुण १४ मंगलबार
न्यूज ब्यूरो, जनकपुरधाम । मधेश प्रदेशका मुख्यमन्त्री सरोज कुमार यादवले चौथो पटक विश्वासको मत प्राप्त गरेका छन् । बुधबार बसेको प्रदेश सभाको बैठकमा उपस्थित कुल सांसद ६१ जनामध्ये मुख्यमन्त्री सरोज कुमार
पूरा पढ्नुहोस्
..jpeg)
