• २०७६ कार्तिक ६ गते, बुधबार



मिर्चैया : पोखरीमा विष हालिदिँदा १० लाखबढीको माछा मरे 

स्वदेशमै कर्म र मेहनत गर्न चाहनेलाई मनोवल गिराउन खोज्ने उपर कडा कारवाही गर्न माग ।

सिरहा, ४ फागुन । सिरहाको मिर्चैया नगरपालिका–२ मल्हनियाँ खोरीस्थित माछा पालिएको एक पोखरीमा विष हालिदिँदा करिब १० लाख मूल्य बराबरको माछा मरेको छ । मल्हनियाँ खोरीस्थित चौध कठ्ठा क्षेत्रफलमा रहेको निमावि पोखरीमा गएराति करिब १२ बजेको समयमा अज्ञात समूहले विष राखिदिएपछि विभिन्न ७ प्रजातिका तयारी अवस्थामा रहेका माछा मरेपछि ठूलो क्षत्ति पुगेको हो ।

 

मिर्चैया १ का माछा व्यवसायी शिव नारायण श्रेष्ठले पोखरी ठेक्का लिएर सञ्चालन गरेको माछा पालनमा राखिएका रौ, कोमन, नैनी, सिल्वर, विगट, ग्राँस र पोठीलगायतका प्रजातिको माछा मरेको मिर्चैया नगरपालिका वडा नं. २ का वडाध्यक्ष लक्ष्मेश्वर कापरले जानकारी दिए । 

 

डाहा वा व्यक्तिगत रिसइवीका कारण कसैले पोखरीमा विष हलेको हुन सक्ने आशंका छ । मिर्चैया नगरपालिकाको मातहतमा रहेको उक्त पोखरी माछा व्यवसायी श्रेष्ठले तीन वर्षको ठेक्का लिएर माछा पालन सञ्चालन गरेका थिए । माछा पालन सञ्चालन गरिएको एकवर्ष नबित्दै यस्तो घटना भएको हो । 

 

स्वदेशमै कर्म र मेहनत गर्न चाहनेलाई मनोवल गिराउन खोज्ने उपर अनुसन्धान गरी कडा कारवाही गर्न वडाध्यक्ष कापरले माग गरेको छ ।

 

घटना भएको जानकारी पाएपछि घटनास्थलमा पुगेका मिर्चैया प्रहरीले अपराधि पत्ता लगाई दोषीलाई नछाडिने बताए । यस घटना उपर प्रहरीको अनुसन्धान जारी छ । 

Loading...
श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका | समाचारको लागि : +977-9854028045 मा फोन गर्नुहोस् ।
resized image

बिनय यादव

(ब्यूरो प्रमुख)

प्रदेश नं. २, सिरहा – नेपाल

“बिनय यादव” न्यूज ब्यूरोका सिरहा जिल्ला प्रतिनिधि सहित ब्यूरो प्रमुख समेत हुन् । उहाँ प्रदेश २ लगायत देशभरिकै समसामयिक र सरोकारगत समाचार सम्पादन गर्नुहुन्छ । मोबाईल नं. +९७७९८६९०६७६९४, ९८१५७४५३९१ । Email : [email protected] । उहाँलाई समाजिक सञ्जाल फेसबूक र ट्वीटरमा पनि भेट्न सकिन्छ ।

यो समाचारमा तपाईको विचार COMMENT गर्नुहोस्
  • सम्बन्धित समाचारहरु


  • Loading...