• २०७६ बैशाख ७ गते, शनिबार
०३:५९ am

ड्रग्स ओसारपोसारको अखाडा बन्दै सिरहा, पुनः ४ पक्राउ 

पछिल्लो समय सिरहा ड्रग्सको ट्रान्जिट पोइन्ट बन्दै गएको छ ।

सिरहा, २३ माघ । सिरहामा लागुऔषधसहित चारजना पक्राउ परेका छन् । सिरहाको दुई छुटाछुटै स्थानबाट मंगलबार सशस्त्र प्रहरी र नेपाल प्रहरीको संयुक्त टोलीले चारजनालाई लागुऔषधसहित पक्राउ गरेको हो । 

 

सिरहा नगरपालिका १७ पटेर्वाबाट चेकजाँचको क्रममा एक जनालाई र सिरहा नगरपालिका १५ बाट तीन जनलाई लागुऔषधसहित पक्राउ गरेको सिरहा प्रहरीले जनाएको छ । 

 

पक्राउ पर्नेहरुमा सिरहा १ का २१ वर्षीय गणेश पासमान, सोही ठाउँका १८ वर्षीय राजेश पासमान, धनुषाको जनकनन्दनी गाउँपालिका २ का १९ वर्षीय बबलुकुमार यादव र उदयपुरको कटारी नगरपालिका ४ का ३४ वर्षीय बाबा तामाङ रहेका छन् ।

 

स ९ प ५४३१ नम्बरको पल्सर मोटरसाइकलमा सवार बबलुको साथबाट प्रहरीले फेनारगन १९९ एम्पुल, डाइजिल्याब १९९ एम्पुल र नुफिन २०० एम्पुल बरामद गरेको छ भने १५ मिनेटकै फरकमा सिरहा नपा १५ बाट चेकजाँचको क्रममा पक्राउ परेका तीनजनाको साथबाट १४ पिस नाइट्रोभेट ट्याब्लेट बरामद गरेको छ । 

 

सिरहा प्रहरीले सोमबार मात्र लागुऔषसहित नरहा गाउँपालिका ३ स्थित नयाँ चोहर्वाबाट गोलबजार नगरपालिका ८ का २२ वर्षीय दिपेन्द्र यादव र उदयपुरको कटारी नगरपालिका १ का २५ वर्षीय गोकर्ण थापालाई पक्राउ गरेको थियो । 

 

पछिल्लो समय सिरहा ड्रग्सको ट्रान्जिट पोइन्ट बन्दै गएको छ ।

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

बिनय यादव, सिरहा

सिरहा, ब्यूरो प्रमुख

प्रदेश नं. २, सिरहा – नेपाल

“बिनय यादव” न्यूज ब्यूरोका सिरहा जिल्ला प्रतिनिधि सहित सिरहा ब्यूरो प्रमुख समेत हुन् । उहाँ पूर्वाञ्चलको अन्य जिल्लाको पनि समाचार सम्पादन गर्नुहुन्छ । मोबाईल नं. +९७७९८६९०६७६९४, ९८१५७४५३९१ | Email : [email protected] | उहाँलाई समाजिक सञ्जाल फेसबूक र ट्वीटरमा पनि भेट्न सकिन्छ ।

प्रतिकृया दिनुहोस