• २०७५ माघ ९ गते, बुधबार
०८:५७ am

महोत्तरीमा भयँकर डकैती , बम पडकाएर डाँकाहरुले लाखौ लुटे !

पाँच लाख सहित लाखौ मूल्य बरावरको गरहगना समेत लुटपाट

तस्विर : पत्रकार रञ्जन भण्डारी


मनिष शर्मा, २३ पुस । महोत्तरीमा गएराती डाँकाहरुले बम पडकाएर करिब ५० लाख मूल्य बराबरको सरसमान तथा  गरगहनाहरु लुटेर लगेका छन् ।

 

महोत्तरी जिल्लाको मनरा सिस्वा नगरपालिका वडा नं. २ भोल्हीमा आईतवार मध्यराती लुटपाट भएको छ । स्थानिय सख्खर र धान गहुँको व्यापारी राम सेवक यादवको घरमा १५ देखि २० जनाको समुहमा आएका डाँकाहरुले नगद पाँच लाख सहित लाखौ मूल्य बरावरको गरगहना समेत लुटपाट गरि भागेका छन् ।

 

गएराती १ बजे भएको डकैतीमा स्थानियलाई डराउन तथा तर्साउनका लागि डाँकाहरुले हातले बनाएको बम समेत ब्लास्ट गरेको मनरासिस्वाका मेयर संजय सिंहले बताए । विहान चार बजे शसस्त्र प्रहरी र नेपाल प्रहरीले संयुक्त रुपमा थप एक बम डिस्पोज गरेका थिए । यता , राती नै खवर पाएका नगरप्रमुख सिंह तत्काल घटनास्थल पुगेर क्षतिवारे जानकारी लिदै पिडितलाई सान्त्वना दिए ।


डाँकाहरुले पिडित यादवको गोदाममा समेत प्रवेश गरि तोडफोड गरेका थिए । गोदाममै सुतेका यादवका मुन्सी(लेखापाल)को हातखुटटा समेत वाधेका थिए । यता डाँकाहरु दुई समुहमा विभाजित भई अर्को समुह घरमै प्रवेश गरि परिवारका सदस्यहरुलाई थुनेर करिव एक घन्टासम्म लुटपाट गरेको स्थानिय राजन ठाकुरले वताए ।


यता प्रहरीले समेत बमको जवाफमा २ राउण्ड गोली चलाएपछि डाँकाहरु भारततिर भागेका थिए ।  भोल्ही सिमा नजिकै रहेको र विचको खाली भाग खुल्ला भएकोले डाँकाहरुलाई भाग्न सहज भएको नगरप्रमुख सिंहले बताए ।

 

जिल्ला प्रहरी कार्यालय महोत्तरीका प्रवक्ता डिएसपी खगेन्द्र वहादुर खडका सहितको टोली डाँकाको खवर पाए लगतै घटना स्थल पुगेका थिए । प्रहरीले गोली चलाएपछि डाँकाहरु भागेको र सोहि वेला देखि निरन्तर खोजविन तथा घटनाको अनुसन्धान भईरहेको डिएसपी खड्काले बताए ।

 

पत्रकार रञ्जन भण्डारीको सहयोगमा 

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
प्रतिकृया दिनुहोस