• २०७६ असार ११ गते, बुधबार
१२:०५ am

सिरहामा सुरुङ खनेर लाखौंको चोरी !

चोरी भएको ठाउँदेखि मात्र करिब १ किलोमिटरको दुरीमा कल्याणपुर प्रहरी चौकी छ ।

न्यूज ब्यूरो, सिरहा । सिरहाको कल्याणपुर नगरपालिकामा गएराति सुरुङ खनेर लाखौंको चोरी भएको छ । सनिवार राति करिब १ बजेको समयमा लुटेराहरुको एक समूहद्धारा कल्याणपुर  नगरपालिका १० नभकाटोलको ९ घरमा सुरुङ खनेर लाखौंको धनमाल चोरिएको हो ।

 

कल्याणपुर नपा वडा १० नभकाटोल निबासी स्थानीय सजन मण्डल, कुशे यादव, शिकेन्द्र भगत लगायतकाको घरमा सुरुङ खनेर चोरी भएको छ भने स्थानीय अमिलाल मण्डलको घरमा सुरुङ खनेर चोरीकोे प्रयास भएको स्थानिय बासिन्दाहरुले जानकारी दिएका छन् ।

 

सजन मण्डलको घरबाट ३ हजार नगद, १ तोला सुन को मङ्गलसुत्र, चान्दिको गरगहना र २ थान मोबाइल लगेको तथा कुशे यादबको घरबाट चान्दिको केही गरगहना, २ हजार नगद र एउटा बाकससमेत चोरी गरेको छ । त्यस्तै, शिकेन्द्र भगतको घरबाट २४ इन्चिको एलसिडि चोरी भएको र अमिलाल मण्डलको घरमा सुरुङ्ग खनेर चोरीको प्रयास मात्र भएको स्थानिय सुखरा मण्डलले बताए । 

 

त्यस क्षेत्रमा चोरको बिगबिगी देखिएको स्थानीहरुले बताए । चोरी भएको ठाउँदेखि मात्र करिब १ किलोमिटरको दुरीमा कल्याणपुर प्रहरी चौकी छ । नजिकैमा प्रहरी चौकी रहेपनि यस प्रकारको घटना भईरहँदा स्थानीय जनताहरु असुरक्षित रहेको प्रष्टिएको एकजना स्थानीयले गुनासो पोखे ।

 

यता, चोरीको घटना भएको थाहा पाएर चोरी पश्चात् राती नै कल्याणपुर प्रहरी चौकीबाट प्रहरी घटना स्थलमा पुगेका थिए भने वडा १० का वडाध्यक्ष विहान घटना स्थलमा पुगेको छ ।

 

घटना सम्बन्धमा विस्तृत खोजविन भइरहेको कल्याणपुर प्रहरीले बताएको छ ।
 

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

बिनय यादव

(ब्यूरो प्रमुख)

प्रदेश नं. २, सिरहा – नेपाल

“बिनय यादव” न्यूज ब्यूरोका सिरहा जिल्ला प्रतिनिधि सहित ब्यूरो प्रमुख समेत हुन् । उहाँ प्रदेश २ लगायत देशभरिकै सरोकारगत समाचार सम्पादन गर्नुहुन्छ । मोबाईल नं. +९७७९८६९०६७६९४, ९८१५७४५३९१ | Email : [email protected] | उहाँलाई समाजिक सञ्जाल फेसबूक र ट्वीटरमा पनि भेट्न सकिन्छ ।

प्रतिकृया दिनुहोस