• २०७६ जेठ १० गते, शुक्रबार
०५:४८ pm

आगलागी पीडितलाई नगरपालिकाद्धारा ५० हजार राहत 

आगलागीबाट करिब १० लाखबढीको क्षति  

न्यूज ब्यूरो, सिरहा । सिरहाको मिर्चैया नगरपालिका वडा नं. १२ सिक्रौनमा गत शुक्रबार राति साढे १० बजेतिर भएको आगलागिका पीडितलाई नगरपालिकाद्धारा राहत प्रदान गरिएको छ । नगर कार्यपालिकाबाट निर्णय गरी पीडित परिवारलाई तत्काल राहत स्वरुप नगरपालिकाले ५० हजार रुपैयाँसहित ५ थान कम्बल, १ थान त्रीपाल र खाद्यान्न सामाग्री प्रदान गरेको हो ।

 

मिर्चैया नगरपालिकाका नगरप्रमुख श्रवण यादवले पीडित कुलेश्वर यादवको घरमै पुगी राहत हस्तान्तरण गरेका हुन् । 
आगलागीबाट करिब १० लाखबढीको क्षति भएको छ । 

 

आगलागीमा २ वटा फुसको घर जलेर पूर्ण रुपमा नष्ट भएको छ भने एउटा घरमा आंशिक क्षति भएको छ । घरमा रहेका अन्नपात, लताकपडा जलेर नष्ट भएको छ । त्यसैगरी, दुई वटा भैंसी र एउटा गोरु समेत जलेर मरेका छन् ।

 

शुक्रबार राति लामखुट्टे भगाउन बालेको आगो सल्किएर भएको आगलागी स्थानीयहरुकै सहयोगमा नियन्त्रणमा आएको थियो ।

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

बिनय यादव, सिरहा

सिरहा, ब्यूरो प्रमुख

प्रदेश नं. २, सिरहा – नेपाल

“बिनय यादव” न्यूज ब्यूरोका सिरहा जिल्ला प्रतिनिधि सहित सिरहा ब्यूरो प्रमुख समेत हुन् । उहाँ पूर्वाञ्चलको अन्य जिल्लाको पनि समाचार सम्पादन गर्नुहुन्छ । मोबाईल नं. +९७७९८६९०६७६९४, ९८१५७४५३९१ | Email : [email protected] | उहाँलाई समाजिक सञ्जाल फेसबूक र ट्वीटरमा पनि भेट्न सकिन्छ ।

प्रतिकृया दिनुहोस