• २०७६ असार १० गते, मंगलबार
११:२० pm

सर्लाहीमा १ युवकको विभत्स हत्या !

धारिलो हतियारले टाउको क्षत विक्षत बनाएको अवस्थामा शव फेला परेको

न्यूज ब्यूरो, सर्लाही । सर्लाहीमा एक युवकको विभित्स हत्या गरिएको छ । सर्लाहीको दक्षिण–पश्चिम क्षेत्रस्थित बरहथवा नगरपालिका–५ का विलास महतोका ३० वर्षीय छोरा मालिक महतोको विभित्स ढंगले हत्या गरिएको हो ।

 

धारिलो हतियारले टाउको क्षत विक्षत बनाएको अवस्थामा घर नजिकैकै सडकमा शनिबार बिहान महतोको शव फेला परेको प्रहरीले जनाएको छ ।

 

हत्या घटनाबारे बिहान ४ बजे थाहा भएको इलाका प्रहरी कार्यालय बरहथवाका प्रहरी निरीक्षक आमोद खैरवारले जानकारी दिए ।

 

नयाँरोड–बरहथवा सडकखण्डबाट हात्तीडण्डा तर्फ जाने भित्रीबाटोमा टाउको क्षत विक्षत भई घोप्टो परेर लडेको अवस्थामा महतोको शव फेला परेको हो ।

 

घटना सम्बन्धमा थप अनुसन्धान भइरहेको प्रहरीले जनाएको छ । 

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
प्रतिकृया दिनुहोस