• २०७६ जेठ ११ गते, शनिबार
०२:०० pm

शहिदनगरको ९१ जनामा मोतिविन्दु


न्यूज ब्यूरो, धनुषा । धनुषाको शहिदनगर नगरपालिका वडा नं. ८ डुमरियामा सोमबार सम्पन्न निःशूल्क आँखा शिविरमा ९१ जना मोतिविन्दुको विरामी पाइएको हो ।

 

सोमबार सम्पन्न एक दिने आँखा शिविरमा शहिदनगर नगरपालिका सहित अन्य ठाउँका सर्वसाधारणहरु लगायत जम्मा २ सय २५ जनाले आँखा जाँच गराएका हुन् । नेपाल रेडक्रस सोसाइटी जानकी आखा अस्पताल जनकपुरको आयोजना र तिलगंगा आखा प्रतिष्ठान काठमाडौ तथा फ्रेडहोलोज फाउन्डेसनको सहयोगमा स्थानीय सहयोगी संस्था ॐ शक्ति सामुदायिक अध्ययन अनुसन्धान केन्द्र शहिदनगर ८ बिसरभोरामा भएको शिविरमा २२५ जनाको आँखा जाँच गरिएको छ । 


उक्त शिविरमा गरिएको आँखा चेकजाँचको क्रममा ९१ जनामा मोतीबिन्दु पाइएको छ । ॐ शक्ति सामुदायिक अध्ययन केन्द्रका अध्यक्ष बिनोद रोहिताको अध्यक्षतामा एवम् शहिदनगर न.पा. ८ का वडा अध्यक्ष तनुक लाल कुसियैतको प्रमुख अतिथियमा आँखा शिविर सम्पन्न भएको हो ।  

 

उक्त शिविरमा छानिएको मोतीबिन्दुका बिरामी हरुलाई यही पुस ९ र १० गते  आँखा उपचार केन्द्र यदुकोहामा अपरेसन गर्ने भएको छ । शहिदनगर नगरपालिकाका मोतिविन्दुका विरामीहरुले अपरेशनको लागि लाग्ने खर्च नगरपालिकाको कार्यालयले बेहोर्ने जानकारी यसअघि नै नगर प्रमुख उदय कुमार बरबरियाले जानकारी गराईसकेका छन् । 

 

मोतियाविन्दु अपरेशनको लागि तोकिएको १ हजार ५० रुपैयाँ शहिदनगर नगरपालिकाको कार्यालयले बेहोर्ने निर्णय गरिएको हो । अपरेशनको लागि नगरपालिकाले खर्च बेहोर्ने भएपछि सर्वसाधारणहरुले  मेयर बरबरियाको निर्णयलाई सरहानीय बताउँदै प्रशँसा गरेका छन् । 

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

न्यूज ब्यूरो, डेस्क

सम्पादन कक्ष

प्रदेश नं. २, जनकपुरधाम - नेपाल

न्यूज ब्यूरो, डेस्क || विभिन्न जिल्लाहरुबाट आएका समाचारहरुलाई सम्पादन गरी पाठकवर्ग समक्ष साँझा गरिन्छ । मुख्य कार्यालय : प्रदेश नं. २, जनकपुरधाम–२, कदमचोक । फोन नं. +97741-420085, ईमेल ठेगाना – [email protected]

प्रतिकृया दिनुहोस