• २०७५ पौष २ गते, सोमबार
०५:४१ am

डा. सिके राउत जेल चलान !

राउत विरुद्ध दायर गरिएको मुद्धा अहिले जिल्ला अदालतमा विचाराधीन रहेको थियो । 


न्यूज ब्यूरो, रौतहट । स्वतन्त्र मधेश गठबन्धनका सँयोजक डा. सिके राउतलाई आज जेल चलान गरिएको छ । 


छुट्टै मधेश देशको माग गर्दै तराई मधेशमा अलग राष्ट्रको गतिविधि गर्दै आएका डा. राउतलाई विहिबार रौतहट जिल्ला अदालतले पूर्वपक्षको लागि उनलाई करागार थुनामा पठाइएको हो । 


यस अघि गत सोमबार मात्र सर्वोच्च अदालतले डा. राउतको बन्दीप्रत्यक्षीकरणको रिट खारेज गरेपछि उनलाई पुनः रौतहट जिल्ला अदालतमा उपस्थित गराइएको थियो । 

 

नेपाल सरकारबाट कुनै सबूत पेश गर्न नसकिएपछि उनलाई पूर्वपक्षको लागि तत्काल कारागार पठाइएको हो । राउतलाई प्रहरीले असोज २१ गते रौतहट प्रहरीले पक्राउ गरेको थियो ।  


राज्यविरुद्धको संगठित अपराधमा संलग्न भएको आरोपमा राउत विरुद्ध दायर गरिएको मुद्धा अहिले जिल्ला अदालतमा विचाराधीन रहेको थियो । 


गत कातिक १२ गते राउतका आफन्तले सर्वोच्च अदालतमा बन्दी प्रत्यक्षीकरणको रिट दायर गरेका थिए । विहिबार जिल्ला अदालतले उनलाई पूर्वपक्षको लागि थुनामा राख्न आदेश गरेको हो । 

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

न्यूज ब्यूरो, डेस्क

सम्पादन कक्ष

प्रदेश नं. २, जनकपुरधाम - नेपाल

न्यूज ब्यूरो, डेस्क || विभिन्न जिल्लाहरुबाट आएका समाचारहरुलाई सम्पादन गरी पाठकवर्ग समक्ष साँझा गरिन्छ । मुख्य कार्यालय : प्रदेश नं. २, जनकपुरधाम–२, कदमचोक । फोन नं. +97741-420085, ईमेल ठेगाना – [email protected]

प्रतिकृया दिनुहोस