• २०७५ पौष २ गते, सोमबार
०६:५५ am

जानकी मन्दिरको सौन्दर्यीकरण सुरु, परिसरमै 'चरण गँगा' निर्माण हुने  !

मुख्यमन्त्री राउतले सार्वजनिक रुपमै सबभन्दा पहिले जानकी मन्दिरलाई  सौन्दर्यीकरण गर्ने कसम दिएका थिए । 

 

न्यूज ब्यूरो, जनकपुरधाम । विश्व प्रसिद्ध जनकपुरधामको जानकी मन्दिरको सौन्दर्यीकरण कार्यको आज एक कार्यक्रमबीच शिलान्यास गरिएको छ । 

 


मधेश मिथिलाको धार्मिक एवम् ऐतिहासिक नगरीको पौराणिक परिचय बोकेको विश्वप्रसिद्ध जानकी मन्दिरलाई सौन्दर्यीकरण गर्ने प्रतिवद्धता प्रदेशका मुख्यमन्त्री मो. लालबाबू राउतले गरेका थिए । 


गत वर्ष मुख्यमन्त्रीको सपथ लिंदै मुख्यमन्त्री राउतले सबभन्दा पहिले जानकी मन्दिरको सौन्दर्यीकरण गर्ने प्रतिवद्धता र वाचा अनुसार त्यसको सौन्दर्यीकरणको लागि विहिबारदेखि काम सुरुको शिलान्यास गरिएको हो । 


मुख्यमन्त्री स्वच्छता अभियान अन्तर्गत मधेश (प्रदेश नं.-२) का सरकारले मन्दिर सौन्दर्यीकरणको लागि रु. ७ करोड २१ लाखको लागतमा जानकी मन्दिरलाई सौन्दर्यीकरण गर्न लागिएको हो । 

 

सौन्दर्यीकरण कार्यको प्रारम्भ भने मुख्यमन्त्री लालबाबु राउत र प्रदेशका भौतिक पूर्वाधार विकास मन्त्री जितेन्द्र सोनलले संयुक्त रुपमा शिलान्यास गरेर हरियो झण्डी देखाएका हुन् ।

 

जानकी मन्दिर सौन्दर्यकरणको लागि तीन वटा प्रवेशद्धारको मर्मत संभार, जानकी मन्दिर परिसर भित्र मार्बल, ग्रे नाइट लाईट र जानकी मन्दिरको उत्तर, दक्षिण प्रवेशद्धारमा चरण गंगा निर्माण हुने सौन्दर्यीकरणका डिजाइनर प्रभाकर चौधरीले जानकारी दिए । 

 

जानकी मन्दिर सौन्दर्यीकरणको लागि जारी गरिएको पूर्व थ्रीडी तस्विर र भिडियो झैँ बनाउने योजना रहेको चौधरीले बताए ।  जानकी मन्दिर सौन्दर्यीकरणको ठेक्का लिएका आर. जे. रञ्जन कम्पनीले ठेक्का सम्झौता तिथि भित्रै कार्य सम्पन्न गरिने जनाइएको छ । 

 

प्रदेशका मुख्यमन्त्री मुस्लिम समुदायबाट बनेपछि केही व्यक्तिहरुले धर्मको आधारमा भेदभाव र विभेदीय विकास गर्ने टिकाटिप्पणी गर्न थालेपछि मुख्यमन्त्री राउतले सार्वजनिक रुपमै सबभन्दा पहिले जानकी मन्दिरलाई  सौन्दर्यीकरण गर्ने कसम दिएका थिए । 

 


शिलान्यास समारोहमा जानकी मन्दिरका महन्त, साधुसन्त, जनकपुरधाम उपमहानगरपालिकाका मेयर लालकिशोर साह लगायत सुरक्षाकर्मीहरु सहित सर्वसाधारण श्रद्धालुहरुको मोटो सहभागीता रहेको थियो । 

 


यस सम्बन्धी पछिल्ला समाचारहरु 

 

पहिले जानकी मन्दिरलाई सौन्दर्यीकरण गछौँ : मुख्यमन्त्री राउत

 

जानकी मन्दिरको सौन्दर्यीकरण हुँदै, अब यस्तो देखिने छ 'नौलख्खा मन्दिर' !

 

 

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

न्यूज ब्यूरो, डेस्क

सम्पादन कक्ष

प्रदेश नं. २, जनकपुरधाम - नेपाल

न्यूज ब्यूरो, डेस्क || विभिन्न जिल्लाहरुबाट आएका समाचारहरुलाई सम्पादन गरी पाठकवर्ग समक्ष साँझा गरिन्छ । मुख्य कार्यालय : प्रदेश नं. २, जनकपुरधाम–२, कदमचोक । फोन नं. +97741-420085, ईमेल ठेगाना – [email protected]

प्रतिकृया दिनुहोस