• २०७५ पौष २ गते, सोमबार
०५:४१ am

अनाथ र टुहुरा बालबालिकालाई युवाहरुको सहयोग

दैनिक जीवन यापनको लागि ३१ हजार १ रुपैयाँ सहयोग गरेको हो । 

 

न्यूज ब्यूरो, मलेसिया ।  गरिबीका कारण अनाथ र बेघर भएका बालबालिकाहरुलाई वैदेशिक रोजगारीमा रहेका युवाहरुले सहयोग गरेका छन् ।


वैदेशिक रोजगारीमा रहेका मधेसी मूलका नेपाली युवाहरुले एक एक पैसा जम्मा गरी सिरहा जिल्लाको औरही गाउँपालिका वडा नं. ४ इटाटार गणेशपुर मा बस्ने दुई बालबालिकाहरुलाई ३१ हजार १ रुपैयाँ आर्थिक सहयोग गरेका छन् ।

 

सहयोगी हातहरुको समूह अपन मिथिला सेवा समाज नामक समूहले स्थानीय   राम गुलाम दास र झबरी देबि दासको ४ छोराछोरी मध्ये कान्छी छोरी र छोरोको टुहुरा अवस्थामा समाजको सहयोगले खुसी भएका छन् ।

 

दास दम्पतिको मृत्यू करिब ४ वर्ष अघि नै भईसकेको छ । विरामीले गर्दा गरिबीकै कारण उनीहरुले अल्पायूमै ज्यान गुमाएपछि यीनिहरु अनाथ भएका छन् ।


४ छोराछोरी मध्ये २ को विहे भएर आ आफ्नो घर गएकी छन् भने कान्छो १२ बर्षको छोरा साधुशरण दास र ६ बर्षकी छोरी मंजिता कुमारी दासको अवस्था विच्चलीमय देखेपछि उनीहरुलाई सहयोग गरिएको हो । 


उनीहरु कहिले दिदी घर त कहिले मामा घरमा गएर पेट पाल्दै आएका थिए । जाडोको मौसम चढे लगत्तै अपन मिथिला सेवा समाजले मोटो कपडा र दैनिक जीवन यापनको लागि ३१ हजार १ रुपैयाँ सहयोग गरेको हो । 


स्थानीय स्तरमा अति विपन्न, दलित, अल्पसँख्यक समुदायबाट सुरु गरेको घर दैलो कार्यक्रम अन्तर्गत उनीहरुलाई पहिचान गरी सहयोगको लागि सिफारिस गरे बमोजिम सहयोग गरिएको हो ।  


१२ धुर खडेरी मात्र भएको अवस्थामा उनीहरुलाई विद्यालयसम्मको पहुँच बनाउन र समाजमा प्रतिष्ठत जीवनयापन गर्नको लागि सहयोगि हाथहरुले उनलाई सघाएका छन् ।

अपन मिथिला सेवा समाजको शाखा साउदी अरेबीया , कतार, मलेसिया, दुबई, कुबेत र ईन्डियामा बस्ने युवाहरुले गरेको समाजका सल्लाहकार अशोक कुमार पासवानले जानकारी दिए । 


उक्त कार्यक्रमा  साउदी शाखा समितिका सचिव सुरेन्द्र कुमार साह, सदस्य प्रमोद कुमार महतो लगायतका सदस्यहरुको रोहबरमा सहयोग गरिएको हो ।

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

विनय कुमार यादव

संवाददाता

प्रदेश नं. २, धनुषा - नेपाल

विनय कुमार यादव || उहाँ न्यूज ब्यूरोको धनुषा जिल्ला सहकर्मी हुन् । धनुषाको उत्तरीपूर्वी भेगका जानकारी तथा समचारको लागि उहाँ प्रतिनीधित्व गर्दैहुनुहुन्छ | मोबाईल नं. : +9779844401154 , 9803142770 |

प्रतिकृया दिनुहोस