• २०७५ पौष २ गते, सोमबार
०५:४० am

मधेश आन्दोलनका योद्धालाई राजपाको सहयोग

कार्तिक २८ गते उपचारको क्रममा चितवनको भारतपुर अस्पतालमा निधन भएको थियो ।


न्यूज ब्यूरो, बारा ।  तेस्रो मधेश आन्दोलनका योद्धालाई राष्ट्रिय जनता पार्टी नेपाल (राजपा) ले आर्थिक सहयोग गरेका छन् ।

 

तेस्रो मधेश आन्दोलनको क्रममा योद्धापूर्ण भूमिका निभाएका बारा जिल्लाको कलैया उपमहानगरपालिका वडा नं. २ अवधापुरा बस्ने पन्नालाल पटेल परिवारलाई सहयोग गरिएको हो । 


आन्दोलनमा महत्वपूर्ण भूमिका निर्वाह गरेका युवा नेता पन्नालाल पटेलको परिवारलाई राजपा नेपाल जिल्ला कार्य समिति बाराले १ लाख रुपैयाँ सहयोग गरेको हो । पेटको लिभरसम्बन्धी रोगले पीडित पटेलको ३२ वर्षको गत कार्तिक २८ गते उपचारको क्रममा चितवनको भारतपुर अस्पतालमा निधन भएको थियो ।


शुक्रबार पटेलको घरमै पुगेर पार्टीको तर्फबाट एक लाख रुपैयाँ राजपा नेपाल बाराका अध्यक्ष मंडलका संयोजक महेन्द्र मंडलले उनको घरपरिवारलाई हस्तान्तरण गरेको राजपा नेपाल बाराका प्रवक्ता अरुण सिंहले जानकारी दिए । 


सिँहका अनुसार,  दिवगंत नेता पन्नालाल पटेलले मधेस आन्दोलनमा नागरिकको अधिकारको लागि खेलेको भूमिका पार्टीको लागि सदैव स्मरणीय रहने ठहर गरेको छ ।  


 नेता पटेलका दुई छोरी र एक छोरा छन् । पटेलको परिवारको आर्थिक अवस्था निकै दैनिय रहेकाले संयोजक मंडलले स्वर्गी युवा नेता पटेलका श्रीमतीलाई रोजगारको व्यवस्था गरिदिने र परिवारमाथि कुनै समस्या आए राजपाले सहयोग गर्ने प्रतिवद्धता व्यक्त गरेका छन् ।

 

प्रबक्ता अरुन सिंहले स्व।युवा नेता पटेलले मधेस आन्दोलनमा देखाएको बिरताको प्रसंशा गर्दै उनीहरु जस्तै योद्धाको कारण सबै मधेशी नागरिक सम्मानपूर्वक जीवन बिताउन सफल भएको बताए ।


प्रवक्ता सिंहले प्रदेश २ मा आफ्नो सरकार बनाउनमा नेता पटेल जस्तै योद्धाहरुको योगदान रहेको समेत स्पष्ट पारे ।

 

राजपाका केन्द्रिय सदस्य श्याम गुप्ता, अध्यक्ष मंडल बाराका सदस्य सन्तोष पटेल, धर्मेन्द्र यादव, मनोज चौवरसिया ,महमद फिरोज, युवा नेता जितेन्द्र मंडल, ताहिर मन्सुर, सिवरतन यादव लगायत उपस्थित थिए ।

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

न्यूज ब्यूरो, डेस्क

सम्पादन कक्ष

प्रदेश नं. २, जनकपुरधाम - नेपाल

न्यूज ब्यूरो, डेस्क || विभिन्न जिल्लाहरुबाट आएका समाचारहरुलाई सम्पादन गरी पाठकवर्ग समक्ष साँझा गरिन्छ । मुख्य कार्यालय : प्रदेश नं. २, जनकपुरधाम–२, कदमचोक । फोन नं. +97741-420085, ईमेल ठेगाना – [email protected]

प्रतिकृया दिनुहोस