• २०७५ पौष २ गते, सोमबार
०६:२० am

धनुषामा 'कृषि सहकारी बजार'

कृषी सहकारी बजार साताको मंगलबार र शनिबार गरी दुई दिन लाग्ने भएको छ । 


विनय कुमार यादव, धनुषा । धनुषाको धनुषाधाम नगरपालिका मँगलपुरमा मँगलबार एक नयाँ बजारको उद्घाटन गरिएको छ । 


धनुषाको धनुषाधाम नगरपालिका वडा नं. २ मंगलपुर स्थित धनुषा गोबिन्दपुर कृषि सहकारी संस्थाको अगुवाइमा कृषि सहकारी बजारको थालनी गरिएको हो । बजार समितिका अध्यक्ष ब्रहमदेव मण्डलको अध्यक्षता एवम् धनुषाधाम नगरपालिकाका नगर प्रमुख बालेश्वर मण्डलको प्रमुख आतिथ्यमा उक्त कृषि सहकारी बजारको शुभारम्भ गरिएको हो । 


स्थानीय कृषकहरुलाई आधुनिक खेती गर्न आग्रह गर्दै अध्यक्ष मण्डलले किसानलाई सहज हुने गरी  यो बजारको शुभारम्भ गरिएको बताए ।

 

धनुषाको मँगलपुरमा आजदेखि सुरु भएको कृषी सहकारी बजार साताको मंगलबार र शनिबार गरी दुई दिन लाग्ने भएको छ । 

बजारलाई उद्घाटन गर्दै मेयर मण्डले किसानलाई ताजा तरकारी किनबेच गर्न अब सहज हुने बताए ।  स्थानीय व्यापारीलाई सुपथ मुल्यमा तरकारी उपलब्ध गराई दिन आग्रह गरे । नगरपालिकाबाट भौतिक सहित बजार व्यवस्थापनमा हुने सहयोग गर्ने प्रतिबद्धता गरे ।

 

 प्रदेश २ का सहकारी अध्यक्ष राम कुमार महतोले विशिष्ट अतिथिको आसनबाट बोल्दै प्रदेश भरिमा पहिलो सहकारी संस्था द्वारा कृषि सहकारी  तरकारी बजार लगाएको बताए ।


 साना किसान लाई गरिबी न्यूनीकरण गर्न भुमिका हुने बताउँदै उनले  यस्तो काम लाई निरंतरता दिदै हामी प्रदेश भरिमा यस्ता यस्ता किसान लाई सहज हुने कार्यक्रम हरु संचालन गर्ने आवश्वासन बाँडे । 


कार्यक्रमा धनुषा गोबिन्दपुर कृषि सहकारी संस्था प्रबन्धक एवम् बजार संयोजक राज कुमार साह,  वडा नं. १ का वडाध्यक्ष बिश्वनाथ यादव , २ का प्रभु नारायण साह,  ३ का राजकिशोर साह लगायत बुद्धिजीवी समाजसेवीहरुको मोटो उपस्थिति रहेको थियो ।

 

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

विनय कुमार यादव

संवाददाता

प्रदेश नं. २, धनुषा - नेपाल

विनय कुमार यादव || उहाँ न्यूज ब्यूरोको धनुषा जिल्ला सहकर्मी हुन् । धनुषाको उत्तरीपूर्वी भेगका जानकारी तथा समचारको लागि उहाँ प्रतिनीधित्व गर्दैहुनुहुन्छ | मोबाईल नं. : +9779844401154 , 9803142770 |

प्रतिकृया दिनुहोस