• २०७५ पौष २ गते, सोमबार
०५:४१ am

जनकपुरधाम गुठी संस्थानकोे जग्गा किर्ते गर्ने शर्मा पक्राउ 

बिरख कुट्टीको सम्पूर्ण जग्गा बेचेर बैकुण्ठ र शर्माले मासेका छन् ।

फाईल तस्विर : Google.com


न्यूज ब्यूरो, जनकपुरधाम ।  गुठी संस्थानको नाममा रहेको साढे दुई बिघा बढी जग्गा किर्ते जालसाजीगरी मोही बनेका अशोक कुमार शर्मालाई प्रहरीले पक्राउ गरेको छ ।


रत्नसागर मन्दिरका महन्थ बैकुण्ठ दाससित मिलोमतो गरी गुठी संस्थानको नाममा लालपुर्जा रहेको जग्गाको किर्तेगरी मोही महलमा शर्माले आफ्नो नाम र जग्गा धनीमा रत्नसागर गुठी लेखाईएको छ ।


जनकपुरधाम उपमहानगरपालिकाको वडा नम्बर ८ स्थित ज्ञानकुप संस्कृत विद्यालयसँगै रहेको दुईवटा बाटो भएको उक्त जग्गा ज्ञानकुपको भोगचलनमा रहेको छ ।तर रत्नसागरका महन्थ बैकुण्ठले किर्ते जालसाजी गरी आफ्नो स्थानको नाम जग्गा धनी महलमा र आफ्ना मतियार शर्माको नाम मोही महलमा राखेको आरोप लागेको छ ।


जिल्ला प्रहरी कार्यालय धनुषाले शर्मालाई पक्राउ गरी किर्ते जालसाजी गरेको अभियोगमा शुक्रवार पक्राउ गरी आईतवार अदालतबाट म्याद थप गरेको छ । प्रहरीलाई गुठी संस्थान र जिल्ला मालपोत कार्यालयले उपलब्ध गराएको श्रेस्तामा जग्गा धनीमा गुठी संस्थान धनुषा मात्र उल्लेख रहेको छ ।


शर्माले सि.नं. १३५४–१५को  कि.नं. २८को २–८–१५ र सि.नं. १३५४÷१४ को कि.नं.  ६२ को  ०–२–११ को जग्गामा मोही बनेका छन् ।  बिरख कुट्टीको सम्पूर्ण जग्गा बेचेर बैकुण्ठ र शर्माले मासेका छन् ।


किर्ते गरिएको जग्गा बिक्री गर्नका लागि जनकपुरधामका दुई जना व्यवसायी श्याम डोकानिया र नवल मुरारकासित ५५ लाख रुपैया बैना वापत लिएको बताईन्छ । यद्यपी यसको दुवै पक्षले पुष्टि गरेको छैन् ।

प्रहरीले किर्ते जालसाजीको थप अनुसन्धान भईरहेको जनाउँदै दोषी देखिएका सबैमाथि मुद्दा चलाइने जनाएको छ ।


किर्ते जालसाजीको मुख्य नाईके मानिएका बैकुण्ठ दासले लालपुजा बदर नभएकोले बेचबिखन गर्ने अधिकार प्राप्त रहेको बताए ।उनले अदालतमा विचाराधिन रहेको मुद्दामा प्रहरीले दवाव र प्रभावमा परेर पक्राउ गरेको आरोप लगाए ।


‘प्रहरी दवाव र प्रभावमा परेको छ’दासले भने, अदालतमा मुद्दा विचाराधिन रहेकाले प्रहरी कार्वाहीको कुनै औचित्य छैन् ।बैकुण्ठ दासले अन्य कुटीहरुको किर्ते गरी बेचेका जग्गाहरुको पनि छानविन हुने बताईएको छ । जनकपुर टुडेमा समाचार छ । 

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

न्यूज ब्यूरो, डेस्क

सम्पादन कक्ष

प्रदेश नं. २, जनकपुरधाम - नेपाल

न्यूज ब्यूरो, डेस्क || विभिन्न जिल्लाहरुबाट आएका समाचारहरुलाई सम्पादन गरी पाठकवर्ग समक्ष साँझा गरिन्छ । मुख्य कार्यालय : प्रदेश नं. २, जनकपुरधाम–२, कदमचोक । फोन नं. +97741-420085, ईमेल ठेगाना – [email protected]

प्रतिकृया दिनुहोस