• २०७५ पौष २ गते, सोमबार
०६:२७ am

मधेशमा परम्परागत कुस्ती 'क्रेज'

कुस्तीलाई उत्सवकै रुपमा लिने गरिएको ।

कुस्ती हेर्न हजारौं हजार सहभागी । (तस्वीर: बिनय यादव)

न्यूज ब्यूरो, सिरहा । पछिल्ला पुस्ता क्रिकेट, फूटबल लगायतका खेलमा आकर्षित हुँदै गएको समयमा तराई मधेशका ग्रामीण क्षेत्रमा भने परम्परागत खेल कुस्तीको 'क्रेज' अझ कायम छ ।

 

सिरहाको मिर्चैया नगरपालिका वडा नं. ९ मा अवस्थित धार्मिक आस्थाको केन्द्र पौराणिक कमलदहमा सोमबारबाट लागेको ३ दिने ठुठिया मेलामा कुस्ती प्रतियोगिताको आयोजना गरिएको छ । हरिबोधिनी एकादशी अर्थात् सोमबारबाट सुरु भएको ठुठिया मेलामा आयोजित कुस्ती प्रतियोगितामा नेपाल र भारतका विभिन्न ठाउँबाट पहलवानहरु सहभागी भएका छन् । 

 

शरीरलाई हतियार मानेर खेलिने कुस्ती हेर्न बाहिर बाहिरबाट हजारौं हजारको संख्यामा सर्वसाधारणहरु ओर्लिए । दर्शकको मागलाई ध्यानमा राख्दै विगत झै मेलामा कुस्ती ल्याइएको आयोजकले बताए । 

 

कमलदहमा हरिबोधिनी एकादशीको दिनदेखि ३ दिनसम्म विगत ४ दशक बढीदेखि मेला आयोजन हुँदै आएको छ । 

 

तराई मधेशका ग्रामीण क्षेत्रहरूमा कुस्ती 'ब्रान्ड' बन्दै गएको छ । कुस्तीप्रेमीहरुले कुस्तीलाई उत्सवकै रुपमा लिने गरेका छन् ।

श्री त्रिनेत्र न्यूज नेटवर्क प्रा.लि. द्धारा सँचालित "न्यूज ब्यूरो" डिजिटल पत्रिका र "रेडियो कमला" अनलाईन , सदैव तपाईको साथमा  |
resized image

बिनय यादव, सिरहा

सिरहा, ब्यूरो प्रमुख

प्रदेश नं. २, सिरहा – नेपाल

बिनय यादव || न्यूज ब्यूरोका सिरहा जिल्ला प्रतिनीधि सहित सिरहा ब्यूरो प्रमुख समेत हुन् । उहाँ पूर्वाञ्चलको अन्य जिल्लाको पनि समाचार सम्पादन गर्नुहुन्छ । मोबाईल नं. +९७७९८६९०६७६९४, ९८१५७४५३९१ | [email protected] | उहाँलाई समाजिक सञ्जाल फेसबुक र ट्वीटरमा पनि भेट्न सकिन्छ ।

प्रतिकृया दिनुहोस