योगीको स्वागतमा १००१ मुर्तेको भण्डारा

न्यूज ब्यूरो, जनकपुरधाम । विवाहपँचमीमा सहभागी हुन जनकपुरधाम आउन लागेका भारत उत्तर प्रदेशका मुख्यमन्त्री योगी आदित्यनाथको स्वागतमा भण्डारा कार्यक्रम गरिने भएको छ ।

रामजानकी विवाहमहोत्सवमा सहभागी हुन आगामी मँसिर २६ गते जनकपुरधाम आउन लागेका मुख्यमन्त्री योगीलाई प्रदेश नं. २ का मुख्यमन्त्री मो. लालबाबू राउतले स्वागत गर्ने कार्यक्रम रहेको बुझिएको छ ।

योगीलाई स्वागतसँगै मधेस भवन (जनकपुर चुरोट कारखाना) मा १००१ मुर्तेको भण्डारा समेत गरिने जनाइएको छ । उक्त भण्डारा कार्यक्रममा योगी आदित्यनाथको समकक्षी साधुसन्त सहित अयोध्याबाट आएका जन्तीहरुको लागि खास हुनेछ ।

विवाहपँचमीको लागि प्रदेश सरकारले ५० लाख रुपैयाँ दिने घोषणा गरेको छ भने विवाहपँचमीका दिन प्रदेश सरकारबाट नै एक दिने सार्वजनिक विदाको घोषणा समेत दिएको हो ।

नेपालको परराष्ट्र मन्त्रालयबाट भ्रमण सम्बन्धी औपचारिक प्रकृयाहरु पुरा भईसकेको स्रोतले जनाएको छ । प्रदेश २ का मुख्यमन्त्री राउतले भारत उत्तर प्रदेशका समकक्षी योगीलाई विमान स्थलमा स्वागत गर्ने बताईएको छ । स्रोतहरुका अनुसार मुख्यमन्त्री योगी विवाहपञ्चमीकै दिन जनकपुरधाम विमानबाट आउने छन् । उनी रामजानकी विवाह महोत्सवको बारहबिघा मैदानमा हुने स्वयंवर समारोह र जानकी मन्दिरमा दर्शन पुजा गर्ने कार्यक्रम छ ।

जनकपुरधाममा पहिलो पटक आउन थालेका मुख्यमन्त्री योगी सोही दिन फर्किने बताईएको छ । औपचारिक रुपमा भारती दुतावास र नेपाल सरकार अथवा प्रदेश सरकारले भ्रमणको कार्यक्रम सार्वजनिक नगरेपनि स्रोतहरुका अनुसार मुख्यमन्त्री योगी लखनउबाट सोझै विमानले जनकपुरधाम आउने कार्यक्रम छ ।

उनलाई विमानस्थलमा स्वागत गर्न संघिय सरकारका एकजना मन्त्री समेत रहने बताईएको छ । सत्तारुढ भारतीय जनता पार्टीमा प्रभावशाली नेताहरु मध्ये गनिने मुख्यमन्त्री योगी भारतीय प्रधानमन्त्री नरेन्द्र मोदीको अत्यन्त विश्वासपात्र मानिन्छ । वैशाख २९ गते मोदी जनकपुरधाम आएका थिए । योगीको भ्रमणले जनकपुरधाममा धार्मिक पर्यटकको संख्यामा अत्यधिक बृद्धि हुने विश्वास गरिएको छ ।

त्रेताकालमा जनकपुरधाम र अयोध्याबीच पारिवारीक सम्बन्ध गासिएको हो ।भगवती सीताको भगवान रामसित विवाह सम्पन्न भएको संस्मरणमा मिथिला परम्परा अनुसार हरेक वर्ष जानकी मन्दिरले रामजानकी विवाहमहोत्सवको आयोजना गर्दै आएको छ ।

केहि वर्षदेखि अयोध्याबाट साधुसन्तहरुको जन्ती आउने र उनीहरु राममन्दिरको तर्फबाट वैवाहिक कार्यक्रमहरुमा सहभागि हुने गरेका छन् । योगीको सरुक्षाका लागि भारतीय सरुक्षाकर्मीहरु समेत रहने छन् । भारतीय वाणिज्य दूतावास वीरगञ्जले विवाहपञ्चमीको दर्इु दिन अगावैदेखि होटेलहरुमा कोठा बुिकंग गरेको छ । योगीको आगमन पूर्व नै सत्तारुढ दलका कयौं नेता र सरुक्षाकर्मीहरु आउने बुिझएको छ ।

उनीहरुका लागि होटेलमा अग्रिम बुिकंग गरिएको छ । विवाहमहोत्सव सम्म जानकी मन्दिर वरिपरिका सडकहरु पूर्ण रुपमा व्यवस्थित हुन सक्ने संभावना नरहेकाले सुरक्षा चुनौती थपिएको अधिकारीहरुले जनाएका छन् । भारतमा योगीलाई ‘जेड श्रेणी’को सुरक्षा व्यवस्था उपलब्ध गराईएको छ ।

आजको जनकपुरटुडेबाट